Detaje të reja dhe zhvillime të bujshme vijnë nga hetimet për përplasjen me armë në Maliq, ku mbeti i vrarë një e...
AKTUALITET
Ekstradohet nga Mbretëria e Bashkuar Mikel Hoxha, ja për çfarë akuzohet
PiranjatPërditësimi i fundit 8 Nëntor 2025, 10:25
Ekstradohet nga Mbretëria e Bashkuar drejt vendit tonë, Mikel Hoxha 33 vjeç.
Mikel Hoxha ishte shpallur në kërkim ndërkombëtar pasi Gjykata e Apelit në Durrës më datën 13.12.2021, e ka dënuar me pesë vjet burgim për veprat penale "Plagosje e Rende me Dashje", “Mbajtje pa leje dhe prodhim i armëve, armëve shpërthyese dhe e municionit".
Ngjarja për të cilën ishte dënuar dhe shpallur në kërkim 33 vjeçari ndodhi në qytetin e Gramshit në 6 qershor 2018 ku në qendër të qytetit u dëgjuan të shtëna me armë zjarri dhe për pasojë mbeti i plagosur shtetasi Admir Haruni. Ngjarja kriminale ndodhi para komisariatit të policisë së Gramshit. Gjykata e Apelit Durrës në vitin 2018 i uli dënimin me 13 vite burg Mikel Hoxhës.
Ngjarja për të cilën është dënuar dhe shpallur në kërkim Mikel Hoxha ka ndodhur në qytetin e Gramshit në datën 6 qershor 2018 ku në sheshin e qytetit ka pasur të shtëna me armë zjarri dhe për pasojë ka mbetur i plagosur Admir Haruni, banor i zonës. E gjithë skena e krimit asokohe ndodhi para komisariatit të policisë së Gramshit.
Në vitin 2018 Gjykata e Apelit Durrës i uli dënimin me 13 vjet Mikel Hoxhës.
Prokuroria kundërshtoi vendimin por gjyqtarët vendosën ndryshimin e akuzave duke dënuar 33 vjeçarin me 5 vjet heqje lirie nga 17 vjet që ishte dënimi i dhënë në shkallën e parë.
Njoftimi i policisë
Interpol Tirana
Ekstradohet nga Mbretëria e Bashkuar, një shtetas i dënuar me 5 vjet burgim, për plagosje të rëndë me dashje dhe për armëmbajtje pa leje.
Si rezultat i bashkëpunimit ndërmjet Interpol Tiranës dhe Interpol Mançester, Mbretëria e Bashkuar, u krye ekstradimi nga Mbretëria e Bashkuar drejt vendit tonë i shtetasit shqiptar Mikel Hoxha, 33 vjeç.
Shtetasi Mikel Hoxha ishte shpallur në kërkim ndërkombëtar, pasi Gjykata e Apelit Durrës, në vitin 2021, e ka dënuar me 5 (pesë) vjet burgim për veprat penale “Plagosje e rëndë me dashje”, “Mbajtje pa leje dhe prodhim i armëve, armëve shpërthyese dhe i municionit”.
Përmbledhje e ngjarjes së ndodhur: Shtetasi Mikel Hoxha, në datën 06.06.2018, në qytetin e Gramshit, pas debatit të çastit për motive të dobëta, ka plagosur me armë zjarri në kofshë shtetasin A. H., duke i shkaktuar lëndime serioze.
