Drejtori i Përgjithshëm i Policisë së Shtetit, Skënder Hita ka mbërritur në Drejtorinë e Policisë së Kor&cce...
AKTUALITET
Ekzekutimi i Altin Arapajt në Greqi/ Avokati i autorit të dyshuar: Selimaj po shkonte ta çarmatoste prandaj plumbi shkoi në faqe! Arma ishte e viktimës
n.fPërditësimi i fundit 24 Maj 2025, 20:28
GREQI- Detaje të reja janë zbardhur në lidhje me vrasjen e 41-vjeçarit Altin Arapaj, në një vresht në Rafina. Nikos Roussopoulos, avokati i autorit të dyshuar 46-vjeçar, Mikel Selimaj foli për ngjarjen për “Developments Now” .
Roussopoulos u shpreh se viktima dhe klienti i tij njiheshin prej vitesh. Sipas tij ata ishin miq dhe kishin konsumuar një sasi të madhe kokaine ditën e ngjarjes. Ai shtoi se kanë kërkuar analiza gjaku dhe urine për të vërtetuar konsumin e drogës. Sa i përket armës me të cilën u ekzekutua Arapaj, avokati theksoi se i përkiste viktimës.
“Ajo që pretendon klienti im është se, ndërsa po shkonte ta çarmatoste, arma shkrepi, prandaj plumbi shkoi në faqe. Nëse dikush do të vrasë, nuk qëllon kurrë në faqe, por në kokë, lart në kafkë ose në gjoks. Ata u grindën, por klienti im nuk e mban mend se çfarë ndodhi. Ata nuk kishin asnjë mosmarrëveshje për asnjë shtëpi,” tha avokati i Selimajt.
"Është një pronë për të cilën viktima kishte një mosmarrëveshje me një kanadez. Nuk ka të bëjë asgjë me klientin tim,” theksoi ai.
Policia greke ka vendosur në pranga edhe 2 persona të tjerë pas arrestimit të autorit 46-vjeçar, Mikel Selimaj, si autor i dyshuar i vrasjes së 41-vjeçarit shqiptar Altin Arapaj. Mësohet se dy të arrestuarit ndodheshin në të njëtin automjet me viktimën dhe autorin, kur ndodhi krimi.
