Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
Ekzekutimi i Gjin Boriçit dhe tentativa për eliminimin e Kleanth Musabelliut, SPAK kërkon 40 dëshmitarë në gjyq
PiranjatPërditësimi i fundit 16 Shkurt 2026, 12:31
Është zhvilluar këtë të hënë seanca gjyqësore për dosjen “Metamorfoza”, ku SPAK ka kërkuar thirrjen e 40 dëshmitarëve për t’u marrë në pyetje në kuadër të hetimeve për këtë dosje.
Sipas informacioneve, prokuroria ka kërkuar dëshmitarë për zbardhjen e rrethanave të vrasjes së Gjin Boriçit në gusht të vitit 2020, si dhe për sigurimin e kushteve për kryerjen e vrasjes ndaj Kleanthi Musabelliut.
Sipas SPAK, këto ngjarje janë realizuar në kuadër të veprimtarisë së grupit të strukturuar kriminal që po hetohet në këtë dosje.
Debati më i fortë në sallën e gjyqit u përqendrua te komunikimet e aplikacionit SKY ECC dhe mospërputhja e pretenduar mes orareve të bisedave dhe kohës së vrasjes së Gjin Boriçit. Ish-kreu i SPAK, Arben Kraja, deklaroi se orari i serverëve të SKY ECC nuk përputhet me orën lokale, duke kundërshtuar pretendimet për manipulim të kohës së komunikimeve.
Nga ana tjetër, avokati Gurali Brahimllari, që përfaqëson biznesmenin P. Gj., akuzoi prokurorinë për manipulim të procesverbalit, duke pretenduar se dokumenti i Gjokës është spostuar dhe provat janë deformuar.
Seanca u shty me kërkesë të avokatëve, të cilët kërkuan kohë për t’u njohur me përmbajtjen e plotë të provave dhe materialeve të paraqitura nga prokuroria.
