Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
AKTUALITET
EMRAT/ Përplasja me agjentët e BKH-së në Fier, identifikohen personat që u përfshinë në incident
M.B.Përditësimi i fundit 16 Prill 2025, 09:38
FIER- Janë identifikuar 3 nga personat që dyshohet se u përfshinë në përplasjen me agjentët e BKH-së mbrëmjen e djeshme në Fier. Sipas informacioneve të përfshirë në incident ishin Ledjan Kapllanaj (nipi i Agron Kapllanaj), Klaudio Kapllanaj (nipi i Agron Kapllanaj) dhe Gerald Kollçaku.
Më parë u bë me dije se 3 persona janë arrestuar për ngjarjen e mbrëmjes së shkuar ku kohë kur u raportua për një përplasje në qytetin e Fierit mes njerëzve të ish-kryebashkiakut të Mallakastrës, Agron Kapllanaj dhe agjentëve të Byrosë Kombëtare të Hetimit. Këta të fundit shoqërohenin edhe nga Forcat Operacionale. Sipas inormacioneve, të arrestuarit janë vendosur në pranga për akuzën “goditje për shkak të detyrës”. Lidhur me ngjarjen mbrëmjen e shkuar ka reaguar edhe policia, ku njoftoi se hetuesit dhe efektivë pasditen e djeshme kanë qenë me shërbim në qarkun e Fierit.
Rreth orës 19:20, forcat operacionale dhe agjentët e BKH-së, janë goditur nga disa persona për shkak të detyrës. Këta persona janë identifikuar dhe shoqëruar mbrëmjen e shkruar në komisariatin e Fierit. Ndërkohë një reagim ka ardhur dje edhe nga vetë ish-kryebashkiaku Kapllanaj, i cili ka thënë se në parkimin e zyrave të subjektit politik që ai përfaqëson ka shkuar një mjet i pa loguar rreth orës 18:00 dhe prej andej ka ngritur një dron.
Ky veprim sipas tij është kryer dhe në një kohë të dytë dhe ka ngjallur dyshime të zyrtarëve që ishin brenda godinës. Pas debatit agjentët janë larguar me automjetin e tyre dhe janë ndjekur nga disa zyrtarë të subjektit politik dhe dy të afërm të Agron Kapllanajt. Ky i fundit ka sqaruar më tej se pak minuta më vonë në rrugë ka nisur një përplasje e dytë mes agjentëve të BKH dhe njerëzve të tij.
Ish-kryebashkiaku pretendon se në asnjë moment nuk u është thënë që janë agjentë të BKH, por se njerëzve të tij iu është nxjerrë arma dhe armë në formë kërcënimi. Ai thotë se vetëm pas këtij momenti u është thënë që kanë të bëjnë me agjentë të BKH. Në këtë moment kanë mbërritur edhe forcat e policisë dhe kanë qetësuar situatën, ku kanë bërë shoqërimin e dy nipërve të Kapllanajt dhe zyrtarit të subjektit politik. Vetë Kapllanaj pohoi mbrëmjen e shkruar se ndodhej në ambientet e policisë për të bërë kallëzim.
