Një tjetër rast mashtrimi nga Florian Gjergji. I riu nga Shkodra, i cili dyshohet se ndodhet në Gjermani ka arritur që të mashtroj&eu...
AKTUALITET
EMRAT/ Zgjidhen 9 anëtarët e KED për vitin 2026
PiranjatPërditësimi i fundit 3 Dhjetor 2025, 11:32
Është hedhur këtë të hënë, në ambientet e Presidencës shorti për zgjedhjen e 9 anëtarëve të Këshillit të Emërimeve në Drejtësi për vitin 2026. Kryetar i KED është zgjedhur Ilir Panda, pasi sipas ligjit kryetari i KED është anëtari përfaqësues i Gjykatës së Lartë.
Për anëtarët e KED, sipas ligjit zgjidhen 2 anëtarë nga Gjykata Kushtetuese, 1 nga Gjykata e Lartë (që është sipas ligjit edhe kryetari i KED), 1 nga Prokuroria e Përgjithshme, 2 nga Gjykatat e Apelit, 2 nga prokuroritë e Apelit të Juridiksionit të Përgjithshëm, dhe 1 nga Gjykata Administrative. Anëtarë zëvendësues janë nga një për çdo institucion.
Shorti zgjodhi Fiona Papajorgji dhe Marjana Semini nga Gjykata Kushtetuese, ndërsa nëse njëri prej tyre mungon atëherë anëtar zëvendësues është Gent Ibrahimi.
Nga Gjykata e Lartë Ilir Pandën do ta zëvendësojë Valbon Çekrezi.
Gjatë shortit që u mbikëqyr nga Presidenti i Republikës, Bajram Begaj, anëtari nga Prokuroria e Përgjithshme u zgjodh Alfred Progonati, ndërsa zëvendësues Anila Leka.
Goglat shortuan Ornela Naqellari dhe Ilirjana Olldashi mes mbi 50 kandidatëve të Gjykatave të Apelit të Juridiksionit të Përgjithshëm, ndërsa anëtare zëvendësuese u zgjodh Selvie Gjoçaj.
Sa i përket anëtarëve nga Prokuroria e Apelit të juridiksionet të përgjithshëm u zgjodhën Altin Binajdhe Afërdita Ndoji, ndërsa zëvendësues Arben Qosja.
Anëtarja e nëntë, e zgjedhur nga Gjykatat Administrative në Këshillin e Emërimeve në Drejtësi nga 1 janari deri më 31 dhjetor 2026, do të jetë Klodiana Veizi dhe zëvendësues Bezart Kaçkini.
Këshilli i Emërimeve në Drejtësi është një organ kolegjial, i përbërë nga 9 anëtar me një mandat 1 vjeçar, dhe është përgjegjës për vlerësimin e kritereve profesionale e morale të kandidatëve për Inspektor të Lartë të Drejtësisë dhe kandidatëve për anëtarë të Gjykatës Kushtetuese.
Anëtarët e KED për vitin 2026
Fiona Papajorgji Gjykata Kushtetuese; Marjana Semini Gjykata Kushtetuese; Ilir Panda Gjykata e Lartë (kryetar i KED) Alfred Progonati Prokuroria e Përgjithshme Ornela Naqellari Gjykata e Apelit; Ilirjana Olldashi Gjykata e Apelit; Altin Binaj Prokuroria e Apelit; Afërdita Ndoji Prokuroria e Apelit; Klodiana Veizi Gjykata Administrative.
Anëtarët Zëvendësues: Gent Ibrahimi Gjykata Kushtetuese Valbon Çekrezi Gjykata e Lartë; Anila Leka Prokuroria e Përgjithshme; Selvie Gjoçaj Gjykatat e Apelit; Arben Qosja Prokuroria e Apelit; Bezart Kaçkini Gjykata Administrative
