EMRI/ "Theu xhamin e një automjeti dhe terrorizoi klientët në lokal!" Lëvizte me mjet prerës duke kërcënuar qytetarët, arrestohet 43-vjeçari në Kurbin

KURBIN- 43-vjeçari Gentian Diva me precedentë të mëparshëm të thekuar, i cili terrorizoi qytetarët në Kurbin është arrestuar. Bëhet me dije se ai përbënte rrezik dhe shqetësim për komunitetin pasi lëvizte me mjet prerës në dorë kërcënonte qytetarë dhe dëmtonte prona në zonë. Gjithashtu mësohet se 43-vjeçari i kapur, i dënuar  më parë për vjedhje me armë dhe për tentativë për grabitje në bankë, ka kërcënuar disa qytetarë, pa asnjë shkak, ka thyer xhamin e një automjeti dhe ka terrorizuar klientët në një lokal.

Njoftimi:

Lëvizte me mjet prerës thikë në qytet, duke krijuar panik te qytetarët, falë reagimit në kohë të shërbimeve të Policisë, është parandaluar një ngjarje e   mundshme kriminale.

Menjëherë pas kallëzimeve të marra, se një shtetas me precedent të theksuar penal të mëparshëm, përbënte rrezik dhe shqetësim për komunitetin (lëvizte me mjet prerës në dorë kërcënonte qytetarë dhe dëmtonte prona në zonë), Komisariati i Policisë Kurbin ka organizuar dhe finalizuar operacionin policor të koduar “Rekordet”.

Shërbimet e Policisë në kuadër të operacionit policor të koduar “Rekordet”, kanë kapur dhe vënë në pranga  personin e denoncuar nga qytetarët, shtetasin G. D., 43 vjeç, banues në Fushë Mamurras.

43-vjeçari i kapur, i dënuar  më parë për vjedhje me armë dhe për tentativë për grabitje në bankë. Ky shtetas  ka kërcënuar disa qytetarë, pa asnjë shkak, ka thyer xhamin e një automjeti dhe ka terrorizuar klientët në një lokal.

Në momentin e arrestimit, atij iu gjetën dhe iu sekuestruan një  mjet prerës(thikë), municion luftarak dhe një sasi Cannabisi. Materialet procedurale i kaluan Prokurorisë, për veprime të mëtejshme.

kurbin