Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
AKTUALITET
EMRI/ Trafikoi dy automjete nga Kosova në Rrëshen me anë të mashtrimit, arrestohet 34-vjeçarja
S.BPërditësimi i fundit 5 Qershor 2024, 15:58
automjetet
RRËSHEN- Arrestohet një 34-vjeçare dhe procedohet një tjetër person në Rrëshen. Mësohet se është arrestuar 34-vjeçarja Alketa Pjetri pasi ka trafikuar me anë të mashtrimit dy automjete me targa kosovare nga Kosova në Rrëshen.
Dyshohet se automjetet do të përdoreshin për qëllime kriminale. Gjithashtu është proceduar D.P pasi ka fshehur automjetet në servisin e tij në Rubik. Automjetet u sekuestruan dhe me rastin do të merret Prokuroria Lezhë.
Njoftimi i Policisë:
Si rezultat i punës së inteligjencës policore, kontrolleve dhe hetimeve që po kryhen me intensitet, në kuadër të megaoperacionit “Sundimi i ligjit”, me qëllim parandalimin e ngjarjeve kriminale dhe zbardhjen e atyre të ndodhura më parë, specialistët e Seksionit për Hetimin e Krimeve të Komisariatit të Policisë Mirditë kanë goditur një rast të trafikimit të automjeteve të vjedhura, për t’i përdorur për qëllime kriminale.
Për rastin u vu në pranga shtetasja A. P., 34 vjeçe, Alketa Pjetri, banuese në Rubik, për veprat penale “Trafikimi i mjeteve motorike” dhe “Mashtrimi me pasoja të rënda”, pasi dyshohet se me anë të mashtrimit, ka trafikuar nga Kosova në Shqipëri, 2 automjete, tip “BMW” dhe “Volkswagen”, me targa kosovare, të cilat dyshohet se do të përdoreshin për qëllime kriminale, në Rrëshen.
Gjithashtu, u referuan materialet në Prokurori, ku nisi procedimi për veprën penale “Përvetësimi i parave ose mallrave që rrjedhin nga veprimtaria kriminale”, për shtetasin D. P., banues në Rubik, pasi dyshohet se ka fshehur në servisin e tij, në Rubik, 2 automjetet e trafikuara, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
