Përpara bllokut të sigurisë pranë Komisariatit nr. 3 në Tiranë, një burrë 54-vjeçar përpiqet të mbaj&...
AKTUALITET
"Erdhën ekspertë belgë të gjurmonin kriptomonedhat!"/ Lala zbulon si po ruhen 10 mln dollarë kripto të Çopjave
E.DPërditësimi i fundit 23 Janar 2025, 21:46
TIRANË- Gazetarja Klodiana Lala, ka folur për sekuestrimin e pasurive të vëllezërve Çopja, mes të cilave edhe 10 milionë euro që mbaheshin në kriptovalutë. Lala e ftuar në emisionin "Të Paekspozuarit" në MCN TV, deklaroi se për të arritur gjurmimin e kriptovalutave kanë ndihmuar ekspertë belgë dhe nga Europol, ndërkohë që këto kriptomonedha në këto momente i mban një bankë, për shkak se Shqipëria nuk ka kapacitet.
Më tej lala tha se gjatë hetimit dhe zbardhjes së bisedave në SKY ECC, prokurorja Musabelliu zbuloi disa kode që kuptohej se kishin të bënin me para, por nuk ka specialist të duhur për të gjurmuar kriptomonedha. Gjithashtu gazetarja thotë se kjo organizatë kriminale, ka investuar po ashtu edhe në ndërtimin e pasurive të paluajtshme.
"Para tre vitesh kam trajtuar përplasjen mes Erion Alibej dhe organizatës kriminale të drejtuar nga vëllezërit Çopja. Në atë kohë sigurova një dokument, ku pretendohej se vëllezërit Franc dhe Hajdar Çopja që ishin në Dubai, kishin pasuri rreth 200-230 milionë euro, çka duket se po provohet. Në atë kohë pati presion të jashtëzakonshëm. Janë grupimet më të rrezikshme në Elbasan, me 13 viktima. Franc dhe Hajdar Çopja kanë urdhëruar vrajsen e të gjithë njerëzve të Erion Alibej dhe ky i fund të njerëzve të Copjave. Trafiku i kokainës solli përplasje mes këtyre dy grupeve.
Në korrik 2024 kemi qenë në Kronos ku kemi bërë kronologjinë e përplasjeve, por bënte përshtypje që Çopjat kishin investuar 15 milionë euro në lingota ari, hera e parë që provohej zyrtarisht që një organizatë shqiptare kishte investuar në lingota ari. Gjatë hetimit dhe zbardhjes së bisedave në SKY ECC, prokurorja Musabelliu zbuloi disa kode që kuptohej se kishin të bënin me para, por nuk ka specialist të duhur për të gjurmuar kriptomonedha. Erdhën tre ekspertë belgë dhe të Europol, që gjurmuan 10 milionë dollarë në kriptomonedha, në pronësi të Franc dhe Hajdar Copja.
Pasi ekspertët gjurmuan investimin në kriptomonedha, mund të dalin edhe shumë më tepër se 10 milionë, shteti shqiptar nuk ka kapacitet t'i mbajë, kërkoi me letërporosi autoriteteve belge dhe aktualisht kriptomonedhat po ruhen në një bankë në Belgjikë. Si do ti marrë shteti shqiptar? Kjo organizatë kriminale, ka investuar po ashtu edhe në ndërtimin e pasurive të paluajtshme, ndërtimi i një kompleksi turistik këtu afër. Kishin blerë hotele, garazhe, etj. Është mjaft interesant hetimi pasuror pasi hera e parë që gjurmohen kriptomonedhat", tha Lala.
