"Erdhi për vizitë në fundjavë", plagosi vajzën dhe vrau veten, detaje nga ngjarja në Lushnje

Foto nga vendi i ngjarjes

LUSHNJE- Një ngjarje e rëndë u regjistrua dje në Lushnje ku 82-vjeçari Behar Musaku, dyshohet se pas një debati të çastit ka qëlluar me armë gjahu çifte Rudinën, vajzën e tij 40-vjeçare. Mësohet se ngjarja ka ndodhur në banesën e 82-vjeçarit ku ai jetonte me bashkëshorten dhe vajza kishte ardhur për vizitë në fundjavë tek prindërit. Ajo ishte e divorcuar prej 3 vitesh dhe jetonte e punonte në Tiranë, ndërsa dy fëmijët e saj i mbante ish-bashkëshorti.

Bëhet me dije se armën e gjahut, Behar Musaku e kishte me leje ndërsa fqinjët i përshkruajnë si familje të rregullt duke thënë se nuk pasur asnjëherë debate apo konflikte me askënd. Ditën e djeshme 82-vjeçari pasi ka qëlluar mbi vajzën, ka qëlluar edhe veten duke gjetur vdekjen në vend. 

Në momentin e kryerjes së aktit, Behar Musaku ka qenë vetëm me vajzën në banesë, pasi bashkëshortja Lirije, ishte në banesën ngjitur ku banonte një nga djemtë. Kanë qenë thirrjet për ndihmë të 40-vjeçares që alarmuan fqinjët që kanë njoftuar ambulancën.

lushnje