Në mbështetje të studentëve që protestojnë para Ministrisë së Arsimit, protestës i është bashkuar edhe ...
AKTUALITET
Çështja “Bankers”/ Deputeti nxjerr dokumentin: Si u zhdukën 120 mln euro me firmën e Ballukut
PiranjatPërditësimi i fundit 26 Nëntor 2025, 18:00
Deputeti Agron Shehaj ka publikuar ditën e sotme një shkresë që sipas tij tregon se qeveria shqiptare nëpërmjet Belinda Ballukut, i ka falur kompanisë “Bankers Petroleum” 120 milionë euro.
Sipas shkresës që daton në vitin 2019, Shehaj thotë se Balluku i drejtohet ministrisë së Financave dhe drejtorisë së Doganave duke i kërkuar pezullim të gjobës 120 milionë euro ndaj ‘Bankers Petroleum’.
Sipas Shehajt, Balluku u ka dërguar zyrtarisht një shkresë doganave ku u ka thënë “Mos veproni kundër Bankers”.
“Kjo është shkresa e 2019-ës ku Belinda Balluku i drejtohet Ministrisë së Financave dhe Ekonomisë dhe Drejtorisë së Përgjithshme të Doganave dhe iu kërkon pezullim të veprimeve në lidhje me vjeljen e një shume prej 120 mln euro. Kjo gjobë dhe ky detyrim ka lindur në 2016, pasi Bankers ka marrë një gjobë nga Doganat për evazion fiskal, në lidhje me mospagesën e aksizës në import. Pavarësisht faktit që Doganat janë munduar ta vjelin këtë shumë, nuk kanë arritur kurrë t’i marrin ato para sepse politika, qeveria nuk i ka lejuar. Derisa ka ardhur momenti që ministrja Balluku i ka dërguar zyrtarisht një shkresë u ka thënë: mos veproni kundër Bankers” – shprehet Shehaj, krahas dokumentit.
