Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Krimet zgjedhore/ Pse nuk shkon BKH dhe Dumani të takojnë Safet Bajrin, ‘drejtorin’ real të burgut të Reçit?
PiranjatPërditësimi i fundit 8 Maj 2025, 12:58
Dumani dhe Safet Bajri
SHKODËR- Mëngjesin e ditës së sotme, zyra e PR të SPAK përhapi me shpejtësi lajmin se në Shkodër ka zbarkuar BKH dhe Altin Dumani për të luftuar krimet zgjedhore. Kur jemj vetëm tre ditë para zgjedhjeve të 11-Majit, drejtësia që lëviz me urdhër nuk ka bërë ende asgjë për të luftuar krimet zgjedhore të cilat dihet mirë se kush i porosit dhe kush i bën.
Si në Shkodër, në Elbasan, në Durrës etj. Por afërmendsh, Altin Dumani nuk ka këllqe të shkojë as te porositësi, as te ekzekutuesit e krimeve zgjedhore, njëjtë siç nuk parandaluan e nuk hetuan krimet zgjedhore të 2021 dhe 2023, kur bandat morën në dorë situatën zgjedhore dhe deformuan vullnetin e shkodranëve që pa shkuar në kutinë e votimit.
Pak kohë më parë u arrestua Safet Bajri, personazh i njohur i botës së krimit, i dënuar në Belgjikë dhe i mirënjohur gjithashtu për lidhjet dhe angazhimin e tij me Partinë Socialiste në Shkodër. Vetëm pak para se të nisë fushata elektorale, lideri i partisë Demokratike, Sali Berisha, denoncoi publikisht transferimin e Safet Bajrit në burgun e Reçit në Shkodër, transferimi i cili u bë i mundur nga Ulsi Manja, pas kërkesës së Bajrit, “më çoni të punoj në Shkodër”, dhe ku po sillet si drejtor burgu e dirigjon gjithë fushatën e presionet ndaj qytetarëve shkodranë për të votuar Edi Ramën.
Agjentët e BKH dhe Policia e Shkodrës kanë kryer kontrolle dhe veprime hetimore në disa zona të Shkodrës, përfshirë Malësinë e Madhe, Barbullush, Bushat, dhe Mjedë. Raportohet se këto veprime janë pjesë e një hetimi të gjerë lidhur me krimet zgjedhore që janë regjistruar nga SPAK (Prokuroria e Posaçme Anti-Korrupsion dhe Krimi i Organizuar) në këtë zonë, thuhet në njoftimin e prokurorisë.
Kujtojmë se ditët e fundit Rama ka patur një përplasje në terren me Tom Doshin, i cili i ka dalë jashtë perimetrit që i ka caktuar kreu i organizatës së rilindjes për të mbledhur vota dhe nuk është çudi që Dumani së bashku me BKH-në të kenë marrë rrugën deri në Shkodër për t’i kryer punë, “afërmendsh” Edi Ramës, se po të ishte për të luftuar krimet zgjedhore mjaftonte ta nisnin me një takim me “drejtorin” e burgut të Reçit, Safet Bajrin./ Syri.net
