Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
AKTUALITET
Nuk iu bind thirrjes së policisë, vihet në pranga 19-vjeçari në Kamëz, në mjet iu gjet një pistoletë (EMRI)
n.fPërditësimi i fundit 8 Maj 2025, 11:05
TIRANË- Një 19-vjeçar është vënë në pranga nga policia në Kamëz. Arrestimi i të riut ka ardhur pasi i mësohet se qarkullonte me armë zjarri. Sipas njoftimit të policisë, efektivët kanë lokalizuar mjetin e të riut dhe i kanë bërë thirrje të ndalojë.
19-vjeçari nuk i është bindur thirrjes së policisë dhe ka tentuar të largohet me shpejtësi. Policia ka bërë të mundur arrestimin e tij dhe nga kontrolli në mjet iu gjet pistoleta. Arma dhe mjeti janë sekuestuar ndërsa i riu i arrestuar është identifikuar si Alger Tarko.
Tiranë/Finalizohet operacioni policor i koduar “Golden Gun”. Qarkullonte i armatosur me pistoletë dhe tentoi të largohej me automjet, kur u lokalizua nga shërbimet e Policisë, kapet dhe vihet në pranga 19-vjeçari. Sekuestrohen arma e zjarrit pistoletë me municion dhe automjeti.
Shërbimet e Komisariatit të Policisë Nr. 5, bazuar në informacionet e siguruara nga inteligjenca policore se një shtetas qarkullonte me automjet, i armatosur, organizuan dhe finalizuan operaconin policor të koduar “Golden Gun”, si rezultat i të cilit u arrestua në flagrancë shtetasi:
Alger Tarko, 19 vjeç, banues në Zall Mner. Gjatë operacionit, në Kamëz, shërbimet e Policisë kanë lokalizuar automjetin me të cilin qarkullonte shtetasi A. T. dhe i kanë bërë shenjë ndalimi. Ai nuk është bindur urdhrit të punonjësve të Policisë dhe ka tentuar të largohet me shpejtësi, por si rezultat i veprimeve të shpejta policore është kapur dhe vënë në pranga.
Gjatë kontrollit në automjetin e 19-vjeçarit, shërbimet e Policisë gjetën 1 armë zjarri pistoletë dhe municion, të cilat u sekuestruan në cilësinë e provës materiale, bashkë me automjetin. Materialet procedurale iu referuan Prokurorisë së Tiranës, për veprime të mëtejshme.
