Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
EMRAT/ Falsifikuan dokumente për blerjen me procedura fiktive për ndërtimin e Bashkisë Devoll, pezullohen nga detyra katër zyrtarë
S.BPërditësimi i fundit 9 Korrik 2024, 13:16
foto ilustruese
KORÇË- Pezullohen nga detyra katër zyrtarë të bashkisë Devoll. Mësohet se Gentian Keco, Altin Cane, Kristi Meslani dhe Eledi Nasto kanë kryer procedurën e prokurimit me objekt blerje mallra materiale ndërtimi për nevojat e Bashkisë, ku rezulton se në të vërtetë nuk është blerë asnjë mall.
Sipas dokumentit: Gentian Keco (Drejtor i Agjencisë së Shërbimeve Utilitare, Komunitare dhe Administrative), Altin Cane (Përgjegjës në Sektorin e Shërbimeve Publike), Kristi Meslani (Përgjegjës në Sektorin e Transportit në Agjencinë e Shërbimeve Publike) dhe Eledi Nasto (Magazinier në Sektorin e Menaxhimit financiar), kanë shpërdoruar detyrën si dhe kanë falsifikuar dokumente.
dokumenti
Njoftimi i plotë:
Prokuroria pranë Gjykatës së Shkallës së Parë të Juridiksionit të Përgjithshëm Korçë kërkoi pezullimin nga detyra të katër zyrtarëve të Bashkisë së Devollit, shtetasit G.K., A.C., K.M., dhe E.M. nën hetim për Veprat Penale ‘Shpërdorim Detyre’ dhe Falsifikim të dokumenteve’ parashikuar nga nenet 248 dhe 186 të Kodit Penal.
Në kuadër të hetimeve të kallëzimit penal nr.577 të vitit 2023 rezultoi se personat në fjalë kanë kryer procedurën e prokurimit me objekt blerje mallra materiale ndërtimi për nevojat e Bashkisë. Por pasi është shpallur fituesi ndaj të kallëzuarve është ngritur akuza se kanë kryer në mënyrë fiktive si procedurën e marrjes në dorëzim dhe magazinimit të mallrave dhe pajisjeve, ashtu edhe daljen e tyre nga magazinimi dhe përdorimi për punime të ndryshme nga punonjësit e bashkisë. Kallëzuesi pretendon se nuk është blerë asnjë mall.
Gjatë hetimeve të prokurorisë, nga administrimi i pamjeve filmike për periudhën e hetimit nuk shihen hyrje-dalje ngarkesa me materiale ndërtimi. Në vijim të konkluzioneve të nxjerra nga ekspertët, në rrugët rurale të fshatit nuk rezulton të ketë shtresa të reja çakulli apo të ndonjë ndërtimi.
Nga hetimet e kryera, Prokuroria arriti në konkluzionin se punonjësit e bashkisë së Devollit, shtetasit:
G.K. – Drejtor i Agjencisë së Shërbimeve Utilitare, Komunitare dhe Administrative;
A.C. – Përgjegjës në Sektorin e Shërbimeve Publike;
K.M. – Përgjegjës në Sektorin e Transportit në Agjencinë e Shërbimeve Publike; dhe
E.M. – Magazinier në Sektorin e Menaxhimit financiar.
kanë konsumuar veprat penale ‘Shpërdorim detyre’ dhe Falsifikimi i dokumenteve’.
Hetimi provoi se akti i marrjes në dorëzim të materialeve më 21.09.2022 nuk pasqyron dorëzimin faktik të të gjitha materialeve. Në këtë kuptim, sipas organit të akuzës personat duhet të mbajnë përgjegjësi penale për veprat e mësipërme. Në bazë të kërkesës së Prokurorisë, gjykata vendosi pezullimin nga detyra të punonjësve të bashkisë.
