Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Çfarë konsiderohet një pagë e mirë, krahasimi i kryeqyteteve europiane
n.fPërditësimi i fundit 12 Shtator 2024, 13:38
Foto ilustruese
TIRANË- Çfarë e bën një pagë të mirë në vendin tuaj? Nuk është aq e thjeshtë sa duket. Sipas Chris Chasteen, Drejtor i Kërkimeve në Institutin e Kërkimeve Ekonomike ERI, përgjigja varet nga faktorë të tillë si vendi ku jetoni, përvoja, arsimi, industria, nevojat dhe mënyra e jetesës.
Bazuar në vlerësimet nga agjencitë e rekrutimit dhe njohuritë nga ekspertët, Euronews Business shqyrton se çfarë përbën një pagë të mirë në disa kryeqytete europiane.
Berlini u ofron punonjësve të zyrave (white-collar) që ndodhen në mes të karrierës midis 40,000 dhe 60,000 euro bruto në vit
Sipas Talentup, një pagë vjetore bruto midis 64,000 dhe 70,000 euro konsiderohet një pagë e mirë në Gjermani. Kjo përkthehet në rreth 40,000 euro deri në 43,000 euro neto në vit ose midis euro 3,300 dhe 3,600 euro neto në muaj për një person beqar.
Pagat priren të jenë mesatarisht më të larta në Berlin krahasuar me qytetet e tjera gjermane për profesione të njëjta.
Profesionistët në mes të karrierës në Londër zakonisht fitojnë midis 50,000 paund (59,455 euro) dhe 70,000 paund (83,235 euro) bruto në vit
HousingAnywhere raportoi se të ardhurat mesatare mujore neto në Mbretërinë e Bashkuar ishin 2,297 paund (2,725 euro). Në vitin 2023, me një kosto jetese prej 1,950 paund (2,314 euro), një pagë mesatare mujore neto që varionte midis 2,500 paund (2,962 euro) dhe 3,300 paund (3,915 euro) konsiderohej një pagë e mirë në MB.
Duke pasur parasysh, që të ardhurat mesatare bruto javore në Londër ishin 23% më të larta se mesatarja e Mbretërisë së Bashkuar sipas ONS, një pagë e mirë në kryeqytet duhet të jetë së paku midis 3,643 dhe 4,815 euro.
Një pagë e mirë, përfaqësuese bruto e punonjësve të zyrave, që ndodhen në mes të karrierës në Londër, zakonisht është midis 50,000 paund (59,455 euro) dhe 70,000 paund (83,235 euro) në vit.
Një pagë e mirë për një jetë komode në Francë është rreth 3200 euro në muaj për një person beqar
Që nga viti 2024, paga mesatare mujore neto në Francë është 2,587 euro, ndërsa paga mesatare është 1,940 euro, sipas HousingAnywhere. Një pagë e mirë për një jetë të rehatshme në Francë është rreth 3,200 euro në muaj për një person beqar ose 5,600 euro në muaj për një familje me tre anëtarë.
Megjithatë, për shkak të kostos më të lartë të jetesës në Paris, do t’ju duhen afërsisht 3,400 euro në muaj për të mbajtur një mënyrë jetese të rehatshme në kryeqytet.
Një pagë e mirë mujore neto në Spanjë vlerësohet të jetë rreth 2700 euro për një person beqar
Sipas HousingAnywhere, paga mesatare neto në Spanjë në vitin 2024 është 1,785 euro në muaj, ose 2,250 euro bruto. Për një jetë të rehatshme, një pagë e mirë mujore neto në Spanjë vlerësohet të jetë rreth 2,700 euro për një person beqar ose 4,000 euro për dikë që ka familje.
Duke pasur parasysh se paga mesatare në Madrid është 18% më e lartë se mesatarja kombëtare, një pagë e mirë neto mujore në kryeqytet për një person beqar duhet të jetë së paku 3,185 euro.
Një pagë bruto nga 4,100 euro në 6,000 euro në muaj konsiderohet e mirë për një jetë të rehatshme në Irlandë
Në Irlandë, një pagë bruto, që varion midis 4,100 dhe 6,000 euro në muaj konsiderohet e mirë për një jetë të rehatshme, sipas Instarem. Paga mesatare bruto për punëtorët me kohë të plotë në vend është 3,220 euro në muaj.
Pagat e Romës mbeten prapa qyteteve të Europës Veriore
Sipas ManpowerGroup, një pagë e mirë për një punonjës zyre në mes të karrierës zakonisht varion nga 35,000 deri në 50,000 euro bruto në vit.
Një pagë e mirë bruto në Romë zakonisht varion midis 3,750 euro dhe 5,690 euro, sipas Salary Explorer. Salary Explorer ofron vlerësime të një page të mirë bruto mujore për kryeqytetet e tjera si më poshtë:
Përfitime më të mëdha financiare nga pagat në vendet veriore dhe perëndimore të BE-së
Anketa e vitit 2023 e Drejtorisë së Përgjithshme për Politikat Rajonale dhe Urbane të Komisionit Europian, për cilësinë e jetës në qytetet europiane, zbulon ndryshime të rëndësishme në kënaqësinë financiare të familjeve në të gjithë BE-në.
Përqindja e njerëzve, të kënaqur me gjendjen financiare të familjes së tyre varion nga 39% në Athinë në 87% në Luksemburg. Kënaqësia është përgjithësisht më e lartë, në qytetet e vendosura në vendet veriore dhe perëndimore të BE-së. / Monitor
