Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Fluks i madh i lëvizjes nga zonat bregdetare drejt Tiranës dhe Morinës, policia: Ja në cilat akse ka ngadalësim të qarkullimit
r.llPërditësimi i fundit 23 Qershor 2024, 20:06
trafiku
TIRANË- Policia Rrugore ka lajmëruar se ka një fluks të madh të lëvizjes nga zonat bregdetare drejt Tiranës dhe Morinës.
Në njoftimin e tyre, blutë kanë treguar edhe akset rrugore ku ka ngadalësim të qarkullimit të automjeteve, por sipas tyre nuk ka bllokim të lëvizjes. Fluks të shtuar raportohet se ka dhe në rrugët interurbane Durrës-Tiranë dhe Elbasan-Tiranë.
Policia po ashtu iu ka bërë apel drejtuesve të automjeteve të qëndrojnë në radhë, të mos kryejnë parakalime të gabuara, të respektojnë shpejtësinë në akset që nuk ka fluks të shtuar si dhe të përdorin rrugë alternative.
NJOFTIMI I POLICISË:
Drejtoria e Policisë Rrugore
Nisur nga fluksi shumë i madh i lëvizjes së automjeteve nga zonat bregdetare drejt Tiranës dhe Morinës, Policia Rrugore ka rritur prezencën e shërbimeve në akset rrugore nacionale dhe në ato hyrëse në qendrat urbane.
Njëkohësisht, po monitorohen me dronë akset nacionale për të parandaluar parakalimet e gabuara që janë rrezik potencial për përfshirje në ngjarje rrugore dhe për bllokim të lëvizjes së lirë të automjeteve.
Për shkak të fluksit të madh, ka ngadalësim të lëvizjes në akset rrugore Shëngjin-Lezhë-Milot, Gjiri i Lalzit-Vorë, Rrogozhinë-Bradashesh, dhe Librazhd-Bradashesh, por në asnjë moment nuk ka bllokim të lëvizjes.
Fluks të shtuar ka dhe në rrugët interurbane Durrës-Tiranë dhe Elbasan-Tiranë.
Policia Rrugore apelon për drejtuesit e automjeteve të qëndrojnë në radhë, të mos kryejnë parakalime të gabuara, të respektojnë shpejtësinë në akset që nuk ka fluks të shtuar si dhe të përdorin rrugë alternative.
Shërbimet e Policisë Rrugore po përdorin të gjitha mjetet logjistike për të monitoruar qarkullimin me qëllim parandalimin e aksidenteve dhe eliminimin e vonesave apo bllokimeve për shkak të shkeljes së rregullave të qarkullimit rrugor.
