Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
AKTUALITET
FOTO/ Protesta për vrasjen e Martin Canit, shoku i tij Luis Meçja shfaqet për herë të parë në publik krah prindërve të të ndjerit
M.B.Përditësimi i fundit 18 Janar 2025, 12:08
TIRANA- Luis Meçja, shoku i të ndjerit Martin Cani është shfaqur për herë të parë sot në protestë. Nga ngjarja e 18 nëntorit Meçja mbeti dhe vetë i plagosur. Në foto që qarkullojnë nga protesta e sotme, ai shihet krah prindërve të Martin Canit dhe qytetarëve të tjerë të pranishëm në protestë.
Meçja i qëndron versionit të tij dhënë edhe më parë, se kanë qenë dy persona me thika. Nga ana tjetër, pindërit e 14-vjeçarit, kërkojnë drejtësi, ndërsa shprehen se deri tani nuk ka pasur asnjë reagim nga institucionet.
Martin Cani humbi jetën mesditën e 18 nëntorit pasi u qëllua me thikë në bark nga bashkëmoshatari i tij, Mario Përlleshaj. Ngjarja e rëndë ka ndodhur pas një konflikti mes dy të miturve që ka degraduar në përdorimin e thikës. Mario Përlleshaj dyshohet se ka qenë në klasë paralele me viktimën, në shkollën 9-vjeçare 'Fan Noli'. Konflikti mes të miturve raportohet se ka nisur në oborrin e shkollës, ndërsa ka agravuar jashtë ambienteve të saj.
Autori ka nxjerrë thikën dhe ka qëlluar mbi 14-vjeçarin, Martin Cani. Pasi është goditur me thikë, Cani është afruar tek shkolla, ka ecur disa metra dhe pasi ka nisur të humbë gjak, është rrëzuar në trotuarin para shkollës. Si pasojë e plagëve të marra, Cani ka ndërruar jetë në spital. I plagosur nga ky sherr ka mbetur edhe shoku i ngushtë i viktimës, Luis Meçja i cili nuk mësonte në të njëjtën shkollë me ta, por stërviteshin në të njëtin klub futbolli. I plagosur mbeti edhe vetë autori, i cili mori dëmtime në dorë dhe u trajtua në spital privat për disa ditë pas ngjarjes së rëndë.
