Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
AKTUALITET
"Fshehja e skandalit me Aflatoksinën është më kriminale se vetë akti", Resuli liston efektet anësore të toksinës: Shkakton dëmtime të mëdha në mëlçi!
n.fPërditësimi i fundit 19 Prill 2025, 14:55
TIRANË- Kreu i Shoqatës për Mbrojtjen e Konsumatorit dhe Prodhuesit, Ervin Resuli përmes një postimi në "Facebook" ka reaguar në lidhje me fshehjen e pranisë e aflatoksinës në qumështin e konsumuar nga qytetarët shqiptarë. Resuli ka shpjeguar se çfarë është aflatoksinam1.
Teksa citonte studimet, Resuli shkruan se aflatoksinam1 në qumësht dhe produktet e tij shkaktojnë dëme shëndetësore. Ai theksoi se lënda konsumohet nga kafsha, metabolizohet në mëlçi dhe sekretohet në qumësht. Kjo toksinë shkakton dëmtime të mëdha në mëlçi, duke përfshirë karcinomën hepatike (kancer të mëlçisë).
Ai shtoi se efekte teratogjene dhe mutagjene mund të ndikojë negativisht në zhvillimin embrional dhe të ADN-së, me pasoja për shëndetin e gjeneratave të ardhshme. Resuli shton se konsumi i sasisë së lartë të aflatoksinave në një kohë të shkurtër mund të shkaktojë vdekje të menjëhershme, siç ka ndodhur në një epidemi në Indi në vitin 1974, ku u regjistruan mbi 100 viktima nga misri i kontaminuar.
Skandali me aflatokinen m1 dhe fshehja nga Ministria e bujqesise dhe AKU eshte me kriminale se vet akti ne te cilin konsumatoret jan ekspozuar ndaj ketije agjendi te rrezikshem ! Po çfar eshte aflatoksinam1 ? Nga studimet për aflatoksinën M1 në qumësht dhe produktet e tij, evidentohen disa aspekte të rëndësishme shëndetësore të dëmeve që ajo shkakton tek njeriu: 1. Efektet kryesore toksike të aflatoksinës M1 (AFM1): Hepatotoksike dhe hepatokancerogjene Aflatoksina M1 është një metabolit i aflatoksinës B1, e cila pasi konsumohet nga kafsha, metabolizohet në mëlçi dhe sekretohet në qumësht. Kjo toksinë shkakton dëmtime të mëdha në mëlçi, duke përfshirë karcinomën hepatike (kancer të mëlçisë).
Kancerogjene (Grupi 2B sipas IARC) Klasifikohet si "ndoshta kancerogjene për njeriun", duke u renditur në Grupin 2B nga Agjencia Ndërkombëtare për Kërkime mbi Kancerin (IARC). Efekte imunosupresive Aflatoksina M1 ul sistemin imunitar, duke e bërë trupin më të ndjeshëm ndaj infeksioneve dhe sëmundjeve të tjera kronike. Efekte teratogjene dhe mutagjene Ajo mund të ndikojë negativisht në zhvillimin embrional dhe të ADN-së, me pasoja për shëndetin e gjeneratave të ardhshme. Toksiciteti akut (në raste me doza të larta) Konsumi i sasisë së lartë të aflatoksinave në një kohë të shkurtër mund të shkaktojë vdekje të menjëhershme, siç ka ndodhur në një epidemi në Indi në vitin 1974, ku u regjistruan mbi 100 viktima nga misri i kontaminuar.
2. Stabiliteti termik dhe vështirësia për eliminim: Rezistencë ndaj trajtimit termik Aflatoksina M1 nuk shkatërrohet me pasterizim apo zierje, çka e bën të rrezikshme edhe në produkte të përpunuara të qumështit, siç është djathi, sidomos kur për një kilogram djathë nevojiten 5 litra ose më shumë qumësht. 3. Ndikimi në grupe të ndjeshme: Rrezik për fëmijët dhe foshnjat Produktet e qumështit janë veçanërisht të rrezikshme për foshnjat dhe fëmijët e vegjël, për shkak të peshës së tyre të ulët trupore dhe konsumit relativisht të lartë të qumështit në dietën e tyre. Në këtë drejtim, BE dhe vendet me standarde të larta kanë vendosur limite shumë më të ulëta për AFM1 në produktet për foshnjat (0.025 µg/kg).
