Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
Furgoni i FNSH përfundon në kanal, dy të plagosur
PiranjatPërditësimi i fundit 7 Dhjetor 2025, 11:28
Një aksident i rëndë është shënuar paraditen e sotme në kryqëzimin e Cakranit, përgjatë autostradës Levan–Tepelenë.
Një furgon i Forcave të Ndërhyrjes së Shpejtë (FNSH) është përplasur me një automjet tip veturë, duke lënë të plagosur drejtuesit e të dy mjeteve.
Në aksident janë përfshirë edhe disa automjete të tjera, duke krijuar një përplasje zinxhir, megjithatë fatmirësisht dëmet për këto mjete kanë qenë vetëm materiale. Policia Rrugore e Fierit ka mbërritur menjëherë në vendngjarje dhe po punon për sqarimin e plotë të rrethanave të aksidentit. Hetimi për rastin pritet të vijojë edhe nga Agjencia e Mbikëqyrjes Policore (AMP).
Të plagosurit janë transportuar me urgjencë në Spitalin Rajonal të Fierit, ku po marrin trajtim mjekësor dhe ndodhen jashtë rrezikut për jetën.
Njoftimi:
Rreth orës 11:00, në vendin e quajtur “Kryqëzimi i Cakranit”, automjeti me drejtues shtetasin A. Y., ka goditur automjetin e FNSH Fier, me drejtues punonjësin e policisë K. H. Për pasojë është dëmtuar shtetasi A. Y. dhe tre punonjës të policisë, të cilët ndodhen në spital, jashtë rrezikut për jetën. Grupi hetimor po punon për sqarimin e plotë të rrethanave dhe shkakut të aksidentit.
Materialet procedurale iu referuan Prokurorisë së Fierit, për veprime të mëtejshme.
