Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
AKTUALITET
“Game over”, organizonin lojëra fati në lokal, arrestohet 24-vjeçari në Kamëz, ë kërkim pronari
M.B.Përditësimi i fundit 9 Korrik 2024, 09:13
Foto nga vendi i ngjarjes
KAMËZ- Një tjetër rast i aktivitetit të paligjshëm të lojërave të fatit është goditur në Kamëz. Mësohet se në pranga ka rënë një 24-vjeçar dhe është shpalluar në kërkim një 35-vjeçar. Në cilësinë e provës materiale mësohet se u sekuestruan 1 tavolinë pokeri, çipsa, celularë dhe letra bixhozi.
Njoftimi:
Tiranë/Finalizohet nga Komisariati i Policisë Nr. 5, operacioni policor i koduar “Game over”.
Vihet në pranga 1 shtetas që u kap në flagrancë duke organizuar lotari të palejuara, në një lokal në Kamëz. Shpallet në kërkim pronari i lokalit, i cili e kishte përshtatur lokalin për organizimin e veprimtarive të paligjshme të lojërave të fatit.
Sekuestrohen 1 tavolinë pokeri, çipsa, celularë dhe letra bixhozi. Shërbimet e Komisariatit të Policisë Nr. 5, në vijim të punës për goditjen e veprimtarisë së paligjshme të lojërave të fatit, bazuar në informacionet e siguruara nga inteligjenca informative për një rast të ushtrimit të kësaj veprimtarie, kanë organizuar dhe finalizuar operacionin policor të koduar “Game over”.
Në kuadër të këtij operacioni u arrestua shtetasi E. L., 24 vjeç, banues në Kamëz. Gjithashtu, u shpall në kërkim shtetasi A. K., 35 vjeç, banues në Kamëz.
Gjatë kontrollit të ushtruar në lokalin në pronësi të shtetasit A. K., në rrugën "Donald Trump", shërbimet e Policisë kanë konstatuar 1 tavolinë pokeri, çipsa, celularë dhe letra bixhozi, të cilat shtetasi E. L., punonjës i lokalit, i përdorte për organizimin e lojërave të fatit.
Në cilësinë e provës materiale u sekuestruan 1 tavolinë pokeri, çipsa, celularë dhe letra bixhozi. Vijon puna për kapjen e shtetasit A. K. Materialet i kaluan Prokurorisë, për veprime të mëtejshme.
