Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
AKTUALITET
Gazetarja Xama: Rama premtoi kudo aeroporte, por dështoi. Aeroporti i Vlorës mund të sekuestrohet
PiranjatPërditësimi i fundit 30 Tetor 2025, 21:57
Gazetarja Ola Xama, e ftuar në emisionin "Të Paekspozuarit" në MCN TV, ka folur për premtimin e Edi Ramës për ndërtimin e aeroporteve, por sot në vitin 2025, nuk kemi asnjë aeroport të ri dhe ai i Kukësit ka dështuar.
Xama foli edhe për konfliktin në aeroportin e Vlorës mes ortakëve, Pacolli dhe Ademi dhe shtoi se aeroporti mund të sekuestrohet vetëm në rast se ka shkelje të kontratës.
"Qeveria Rama, premtoi që në 2017 kudo aeroporte. Po të shohim fushën e zhvillimit të aeroporteve, mund të thuash se është e dështuar, me përjashtim të zgjerimit të aeroportit të Tiranës. Aeroporti i Kukësit është dështim, nuk ka fluturime dhe është koncesion që po llogaritet të shpallet falimenti.
Me Sarandën është hapur tenderi pa sukses. Me Vlorën, u tentua në 2017, kanë qenë tre ministra, u paraqitën në komisionin e ekonomisë dhe financave për të negociuar me një kompani turke. Pas zgjedhjeve negociatat me turqit u zhvilluan nga Ahmetaj dhe Gjiknuri, nuk u finalizuan. Turqit kërkonin 120 mln euro garanci nga shteti, pasi do të investonin 100 mln euro. Për këtë arsye, siç kanë deklaruar ministrat, negociatat u prishën, kabineti ndryshon. Në zgjedhjet e 2021, aeroporti i Vlorës, ishte flamuri i PS.
Kontrata fitohet nga Mabco, YDA dhe kompaia 2A Group. Pikët për përvojën në ndërtimin dhe operimin e aeroporteve i plotësonte kompania turke YDA. Kompania YDA shet aksionet te Mabco, për vlerën 4200 euro. Si mund të shesësh për 4200 euro një koncesion që ka 730 mln euro fitim në 30 vjet? Shitjen e aksioneve e ka miratuar ministri i Infrastrukturës dhe Energjisë.
Kontrata thotë që lejohet shitja e aksioneve nëse kompania përmbysh detyrimet.
Nëse sekuestrohet nga drejtësia, tjetër risk është pagesa e kredisë.
Nëse gjenden shkelje të kontratës, shteti duhet të ndërhyjë. Shteti duhet ta bëjë këtë për të mirën e qytetarëve. Apo për të përfituar një grusht biznesmenësh, që janë bërë nga më të pasurit?", tha ndër të tjera Xama.
