Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
GJKKO dënon me 1 vit burg Granit Gjanën, dënim i konvertohet në 2 vite shërbim prove
n.fPërditësimi i fundit 27 Nëntor 2024, 19:02
Gjana
TIRANË- GJKKO ka marrë vendimin ditën e sotme duke dënuar me 1 vit burg ish-prefektin e Kukësit, Granit Gjanën. Gjana akuzohet për kryerjen e veprës penale “Shkelja e barazisë së pjesëmarrësve në tendera apo ankande publike”, në dy raste. Ndërkohë dënimi me një vit burg iu konvertua në 2 vite shërbim prove.
Prokuroria e Posaçme kishte kërkuar 1 vit e 6 muaj burg për ish-nën kryetarin e Bashkisë Kukës Granit Gjana, për “shkelje të barazisë në tendera” në dy raste. Për shkak të gjykimit të shkurtuar, Gjana përfiton ulje të dënimit në 1 vit. Gjithashtu SPAK kërkoi konvertimin e dënimit me 2 vite shërbim prove.
Më 6 dhjetor 2023 u bë publik vendimi i GJKKO për pezullimin e Granit Gjanës nga detyra si prefekt i Kukësit nën akuzën se gjatë kohës që ka mbajtur postin e zëvendës kryetarit, ka kryer shkelje me tenderat e karburantit të bashkisë me vlerë 21 milionë lekë, duke mos lejuar një kompani të marrë pjesë në garë.
Sipas SPAK, Granit Gjana me mospaisjen në kohën e duhur me Autorizimin për tregtimin e lëndëve djegëse, edhe pse subjekti “Ufo Cengu” sh.p.k, i kishte kryer pagesat e nevojshme dhe dorëzuar dokumentacionin pranë organit shtetëror sipas ligjit, e ka penguar kompaninë të kualifikohet në dy procedurat e tenderit me objekt “Blerje karburanti”, në vlerën 21 milionë lekë të organizuara nga Bashkia Kukës përgjatë vitit 2023.
Prokuroria e Posaçme kundër Korrupsionit dhe Krimit të Organizuar ka paraqitur pranë Gjykatës kërkesën me objekt: “Dërgimin në gjyq të ҫështjes penale në ngarkim të të pandehurit Granit Gjana, i akuzuar për kryerjen e veprës penale “Shkelja e barazisë së pjesëmarrësve në tendera apo ankande publike”, në dy raste, parashikuar nga neni 258/2 i Kodit Penal”.
2. Gjykimi i kësaj heshtje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarët Etleva Deda, Erjon Çela dhe Flojera Davidhi, me vendimin Nr. 71, datë 27.11.2024 vendosi:
1. Deklarimin fajtor të të pandehurit Granit Gjana, për kryerjen e veprës penale “Shkelja e barazisë së pjesëmarrësve në tendera apo ankande publike”, parashikuar nga neni 258 paragrafi i dytë i Kodit Penal, (për procedurën e prokurimit me nr. REF-56811-01-24-2023, me objekt “Blerje karburanti”) dhe dënimin e tij me 1 (një) vit burgim.
2. Deklarimin fajtor të të pandehurit Granit Gjana, për kryerjen e veprës penale “Shkelja e barazisë së pjesëmarrësve në tendera apo ankande publike”, parashikuar nga neni 258 paragrafi i dytë i Kodit Penal, (për procedurën e prokurimit me nr. REF-70621-05-25-2023, ne objekt “Blerje karburani”) dhe dënimin e tij me 1 (një) vit burgim.
3. Në aplikim të nenit 55 të Kodit Penal, në bashkim të dënimeve, dënimin e të pandehurit Granit Gjana me 1 (një) vit e 6 (gjashtë) muaj burgim.
4. Në aplikim të nenit 406 të K.Pr.Penale, uljen e dënimit me 1/3, duke e dënuar përfundimisht të pandehurin Granit Gjana me 1 (një) vit burgim.
5. Në bazë të nenit 59 të Kodit Penal, pezullimin e ekzekutimit të dënimit me burgim dhe vënien në provë të të pandehurit Granit Gjana për një periudhë prej 2 (dy) vitesh, me kusht që gjatë kohës së provës të mos kryejë vepër tjetër penale.
6. Urdhërohet i pandehuri Granit Gjana të mbajë kontakte me Shërbimin e Provës Tiranë dhe të mos marrë kontakt me persona të dënuar.
7. Në aplikim të nenit 35 të Kodit Penal, heqjen e të drejtës për të ushtruar funksionepublike për të pandehurin Granit Gjana për 5 (pesë) vjet.
8. Në bazë të neneve 261 pika 1 gërma “b” dhe 389 pika 1 të Kodit të Procedurës Penale, shuarjen e masës së sigurimit personal “Pezullimi i ushtrimit të një detyre a shërbimi publik”, parashikuar nga neni 242 i Kodit të Procedurës Penale, të caktuar ndaj shtetasit Granit Gjana me Vendimin nr. 133, datë 01.12.2023 të Gjykatës së Posaçme të Shkallës së Parë për Korrupsionin dhe Krimin eOrganizuar.
9. Në lidhje me provat materiale, Gjykata disponon në mbështetje të nenit 190 të Kodit të Procedurës Penale, si më poshtë:
- Provat materiale të sekuestruara sipas procesverbaleve të sekuestrimit datë 12.07.2023, që kanë të bëjnë me procedurat e prokurimit me nr. REF-56811-01- 24-2023 dhe nr. REF-70621-05-25-2023, t’i kthehen autoritetit kontraktor, Bashkia Kukës.
- 1 (një) CD me materialet e përgjimit të qëndrojnë në fashikullin e gjykimit.
10. Shpenzimet proceduriale të kryera gjatë fazës së hetimit paraprak, në masën **** lek, gjatë seancës paraprake dhe gjatë gjykimit (sipas formularit bashkëlidhur këtij vendimi), i ngarkohen të pandehurit.
11. Urdhërohet Prokuroria e Posaçme Kundër Korrupsionit dhe Krimit të Organizuar të ekzekutojë këtë vendim.
12. Kundër vendimit lejohet apel brenda afatit ligjor, në Gjykatën e Posaçme të Apelit për Korrupsionin dhe Krimin e Organizuar.
