Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
GJKKO do vendoste për “fatin” e dosjes, dështon seanca paraprake për Erion Veliajn dhe të akuzuarit e tjerë
PiranjatPërditësimi i fundit 29 Shtator 2025, 13:22
Seanca paraprake në Gjykatën e Posaçme për Korrupsionin dhe Krimin e Organizuar, për ish-kryebashkiakun e Tiranës Erion Veliaj, që ishte parashikuar të zhvillohej mesditën e sotme, u shty për një datë tjetër. Shtyrja e seancës u bë pasi të pandehur nuk janë njoftuar sipas ligjit.
Në seancën paraprake, Gjykata vendos nëse çështja kalon për gjykim ose jo. Gjykata vendosi që seanca të zhvillohet më 10 tetor. SPAK kaloi për gjykim dosjen pak javë më parë, duke ngritur ndaj Veliajt 13 akuza dhe 12 akuza për bashkëshorten e tij, Ajola Xoxa.
Ndaj Veliajt rëndojnë akuzat korrupsioni pasiv, pastrim parash, shpërdorim detyre dhe fshehje të pasurisë.
"Në përfundim të hetimeve paraprake, ka rezultuar e provuar se të pandehurit Erion Veliaj dhe Ajola Xoxa, në bashkëpunim mes tyre, në 9 raste të veçanta, kanë marrë përfitime të parregullta në formën e shumave monetare dhe pasurive të paluajtshme, nga subjekte tregtarë dhe organizata jofitimprurëse (përmendur më sipër), të cilët nga ana e tyre kanë marrë leje ndërtimi dhe përfituar fonde publike nga Bashkia Tiranë.
Nga hetimi penal janë grumbulluar të dhëna konkrete, të cilat provojnë përtej çdo dyshimi të arsyeshëm, se i pandehuri Erion Veliaj, në cilësinë e Kryetarit të Bashkisë Tiranë, me nënshkrimin e tij ka miratuar në çdo rast shpërndarjen e këtyre fondeve, të cilat më pas kanë përfunduar tek OJF-të e përmendura më sipër, shoqëritë me përgjegjësi të kufizuar, persona fizikë të kontrolluar nga bashkëshortja e tij, e pandehura Ajola Xoxa, si edhe individë të afërt me të”, thuhet në dosjen e SPA
