Reagimi i influenceres dhe modeles Dajana Kalo ndaj deklaratës së kryeministrit Edi Rama për blogerët dhe influencerët ka ndezur deba...
Reperi shqiptar me famë botërore Larry Gashi me origjinë nga Kosova i zhvendosur në Amerikë ka bërë një reagim të...
Kristian Eriksen ka kthyer sot në mendje skenat e tmerrshme të Euro 2020, kur ai pësoi kolpas gjatë aktivitetit. Këtë radhë...
Ish-presidentja e Kosovës, Vjosa Osmani, ka deklaruar se Lëvizja Vetëvendosje nuk ka asnjë arsye për të refuzuar emrin e saj p&e...
Kryeministri Edi Rama ka reaguar pas takimit të zhvilluar në Elbasan, duke dënuar gjuhën e përdorur ndaj tij dhe socialistë...
Festivali i përvitshëm UNUM Festival, që zhvillohet në Shëngjin të Lezhës, ka nisur në mënyrën m&eum...
Me flamuj kuq e zi, me pankarta të ndryshme e thirrje për dorëheqjen e kryeministrit Edi Rama, protestuesit kanë marshuar në rrug&eum...
Sulmuesi i Kosovës Vedat Muriqi është shumë pranë rikthimit te Fenerbahçe, me mediat sportive që raportojnë se marr&...
Lamin Jamal ka pranuar në një intervistë të dhënë së fundmi në “YouTube” se kishte mbetur shumë i zhg...
Nëntë persona janë plagosur në një sulm me armë zjarri në Kansas City, Missouri, vetëm pak minuta larg bazës ku q...
U mbajt në Gjykatën e Posaçme seanca e radhës ndaj grupit të Laert Haxhiut, rivalit të kreut të “Bandës së Lushnjës”, Aldo Bare.
Sot (4 mars) u dëgjua dëshmia e Elvis Shehut, në lidhje me ekzekutimin për hakmarrje të Çajup Selimit, kundërshtar i grupit të Haxhiut, pesë vite më parë.
Haxhiu, i arrestuar dhe ekstraduar nga Greqia dy vjet më parë, akuzohet nga SPAK për një serial atentatesh të organizuara, urdhëruara dhe financuara ndër vite, kryesisht kundër grupit rival të Bares.
I penduar për këtë dosje është edhe Artan Tafani, që ka rrëfyer të gjithë zinxhirin e vrasjeve, plagosjeve, gjobvënieve, grabitjeve dhe krimeve të tjera të kryera në mbi një dekadë.
Pyetjes nëse e njihte Selimin, dëshmitari iu përgjigj në mënyrë pohuese.
Kurse për vrasjen e tij rrëfeu se:
“Ka ndodhur më 1 qershor 2021. Kam qenë më vëllain e tij. E kam marrë Çajupin te puna e tij. Kemi bërë shëtitje. Kam marrë xhaxhanë dhe një prrson tjetër dhe i çuam te puna. Kemi marrë rrugën drejt Kalasë. Më tha më ço te shtëpia. E kam lënë të rrugica e lagjes së tij”.
Dhe më tej Shehu rrëfeu se si mësoi për vrasjen.
“20 minuta më vonë më mori policia dhe më tha: Pyet se i ka ndodh diçka Çajupit!”.
Prokurorët e kanë pyetur nëse dinte gjë që Çajupi kishte probleme.
“Jo. Do e kishim dëgjuar nëse do kishte diçka”.
Kurse për faktin nëse viktima kishte qenë ndonjëherë i shoqëruar në Komisariar, Shehu deklaroi se:
“Ndoshta në 1997, por atëherë kam qenë i vogël”.
Ndërsa si njihej Selimi në komunitet, ai iu përgjigj:
“Njeri alegro. Biznesmen i njohur”.
Çfarë ndodhi seancën e kaluar
Në seancën e kaluar (25 shkurt) në Gjykatën e Posaçme Kundër Korrupsionit dhe Krimit të Organizuar (GJKKO), ka dëshmuar Leonard Selimi, i afërm i biznesmenit Çajup Selimi, i cili u vra më 1 qershor 2021.
Për këtë ngjarje ka rrëfyer më herët i penduari i drejtësisë, Artan Tafani, i cili ka deklaruar se është paguar 25 mijë euro nga Laert Haxhiu për ekzekutimin e Selimit.
Sipas dëshmisë së Tafanit, në momentin e vrasjes, viktima e kishte parë në sy teksa qëllohej, pa e kuptuar se ku po e kapnin plumbat.
Ndërkohë, Leonard Selimi ka dëshmuar se autorin nuk e ka parë dhe nuk ka dëgjuar të shtëna, por në banesën e tij ka gjetur një plumb, në kokën krevatit.
“Nuk dëgjova krisma armësh. Gjeta plumbin brenda në shtëpi, te koka e krevatit. Ia dhashë të nesërmen policisë. Atë natë nuk kisha parë asgjë. Pashë vetëm vrimën në derë”, ka dëshmuar ai.
Selimi ka treguar se Çajup Selimin e njihte si djalë punëtor dhe se para se të vritej, nuk dinte asgjë për të.
“Pasi u vra, morëm vesh që kishte probleme. Kishte sherre me disa çuna nga fshati Veliqot i Tepelenës, emrat nuk i di, por si fytyra i njoh. Janë tre çuna, kanë bërë një ose dy sherre. Ishin rregulluar pastaj dhe erdhën te varrimi. Ishte mbyllur sherri. Për ndonjë sherr tjetër të hapur nuk di gjë. Nuk i jap dot shpjegim vrasjes”, ka dëshmuar ai në GJKKO.
“Kur ndodhi vrasja, unë isha në shtëpi. Poshtë katit tim, ishte data 1 qershor, rreth orës 21:00. Nuk dëgjova zhurmë dhe as nuk e pashë autorin. Hapa derën sepse më ra plumbi te dera. Nuk dëgjova krisma armësh. Gjeta plumbin brenda në shtëpi, te koka e krevatit. Ia dhashë të nesërmen policisë. Atë natë nuk kisha parë asgjë. Pashë vetëm vrimën në derë.
Kur dola te dera pashë gjak. U mundova t’i jap ndihmën e parë. I dilte gjak nga goja, nuk kishte reagim nga ana e tij. Doli nusja e tij, pastaj dikush nga kati i parë dhe të gjithë të tjerët. E mora vesh nga televizioni.
E njihja si djalë punëtor, djalë të qetë. Po të doje një numër telefoni, ta gjente. Shiste çimento, kishte magazinë. Në kafe ai nuk ulej kurrë me ne, por bisedonim gjëra të rinjsh.
Para se të vritej, nuk dinim asgjë për të. Pasi u vra, morëm vesh që kishte probleme. Kishte sherre me disa çuna nga fshati Veliqot i Tepelenës, emrat nuk i di, por si fytyra i njoh. Janë tre çuna, kanë bërë një ose dy sherre. Ishin rregulluar pastaj dhe erdhën te varrimi. Ishte mbyllur sherri. Për ndonjë sherr tjetër të hapur nuk di gjë. Nuk i jap dot shpjegim vrasjes.”
DËSHMIA E TE PENDUARIT ARTAN TAFANIT PËR VRASJEN E SELIMIT
Artan Tafani, i penduari i drejtësisë që ka rrëfyer 17 ngjarje kriminale, ka treguar një vit më parë arsyen e ekzekutimit të biznesmenit Çajup Selimi, krim i ndodhur 1 qershorit të vitit 2022 në qendër të Tepelenës.
I pyetur nga prokurori i SPAK, Behar Dibra, rreth arsyes së ekzekutimit të biznesmenit, Artan Tafani u shpreh se: “Mora vesh nga Laerti se u vra pasi Erisiano kishte pas probleme dhe konflikte me të”.
I penduari i drejtësisë tregoi se viktima i kishte ngacmuar nënën Erisiano Abedini.
“Kishin pas sherr sepse Çajupi kishte ngacmuar nenën e Erisianos. Duke qene se Anterio Kaloshi dhe Orges Bilbili kishin rënë në burg Laert Haxhiu kishte nevojë për njerëz e për mua”, tha Artan Tafani në GJKKO.
Pas krimit, ai tregoi se ka udhëtuar drejt Greqisë ku ka takuar Laert Haxhiun në një vilë.
“Mbas vrasjes së Çajupit shkova në Greqi dhe takova Laertin dhe Mario Dijamantin e Xhino Bajramin në një vilë ku ishin me të dashurat”, tregoi ai.
Artan Tafani, tregoi me detaje momentin e ekzekutimit të Selimit.
“Pasi shkova tek pallati, po rrija ngjitur me hyrjen dhe dëgjova një makine si benz që kishte ai, isha ballë për ballë me atë kisha maske covidi edhe një kapele, po më shikonte dhe pati si dyshim. U fut në hyrje të pallatit, ai u ngjit kat parë kat 2, unë isha nga mbrapa tij, ishte qeros dhe unë dija dhe rrobat që kishte veshur atë ditë të kuqe, aty e qëllova nga mbrapa , 3 herë e shkrepa e qëllova, një herë ne shpatull dhe 2 herë të tjera por se di ku e kapi… Ika me vrap për nga burgu Bënçës, rashë ne ca ferra aty si jashtë qytetit, armën e kisha me vete, zastava ose bereta e vogël, me silenciator, s’po gjeja rrugicën që të dilja, sipas planit duhet te dilja tek lumi Vjosa ku do vinte Ligori”, tha Tafani.
Pej 45 ditësh, banorët e fshatit Gostivisht, në njësinë administrative Frashër të Përmet, raportojnë se janë...
Pas një ngërçi dymujor, palët politike u rikthyen në tryezën e reformës zgjedhore në mesin e muajit shkurt, me nj&eu...
Një aksident rrugor është regjistruar mëngjesin e kësaj të mërkure në autostradën Fier-Vlorë. Sipas informa...
Një tjetër aksion është finalizuar nga Doganat shqiptare. Në vijim të kontrolleve të vazhdueshme për respektimin e li...
Efektivi i forcave “Shqiponja”, Gentjan Meda mbeti i plagosur gjatë një operacioni për kapjen e një personi shumëkër...
Zv.presidentja e Partisë së Lirisë, Erisa Xhixho, në një postim në rrjetet sociale, u shpreh se mësuesit nuk mund të t...
Eksperti i ekonomisë Klodian Muço paralajmëroi se përshkallëzimi i konfliktit në Lindjen e Mesme dhe rritja e mundshme e &cced...
Deputeti i Partisë Demokratike, Tritan Shehu ka akuzuar qeverinë se nuk po vepron për të sjellë në vend qytetarët shqiptar&...
Çështja e imunitetit të Belinda Ballukut vijon të zvarritet nga pala socialiste, prej vitit të kaluar. Edhe pse SPAK ka kërku...
Një incident i rëndë është regjistruar dje në ambientet e Inspektoratit Kombëtar të Mbrojtjes së Territorit (IKMT...
