Një tjetër ish-kryebashkiak socialist merret i pandehur nga SPAK.
Fredi Kokoneshi, që ka drejtuar Divjakën akuzohet për shpërdo...
AKTUALITET
Gjyqi për atentatin ndaj Arjan Ndojës, SPAK do të dëgjojë dëshminë e Halit Valterit
PiranjatPërditësimi i fundit 14 Korrik 2026, 11:49
Procesi gjyqësor ndaj Amar Shkëmbit dhe Bledar Polovinës, të akuzuar për atentatin e 1 nëntorit 2019 ndaj ish-prokurorit Arjan Ndoja, ka shënuar një zhvillim të rëndësishëm në Gjykatën e Posaçme.
Mësohet se, trupi gjykues ka pranuar kërkesën e palës mbrojtëse për thirrjen si dëshmitar të ish-deputetit Halit Valteri.
Ky vendim hap një dritare të re në procesin ndaj të pandehurve, të cilët akuzohen nga SPAK për sulmin e armatosur në mbikalimin e Shkozetit, ku mbeti i plagosur ish-prokurori, sot deputet i PD-së.
Atentati ndaj Prokurorit Arjan Ndoja ndodhi më 1 nëntor të vitit 2019. Ndoja, bashkë me Landi Muharremin (Aleksandër Laho), dhe Andi Maloku ishin duke drekuar në zonën e plazhit në Durrës. Të tre, u nisën drejt Tiranës pas drekës dhe në zonën e mbikalimit të Shkozetit, u qëlluan nga një makinë Benz, në ecje, ku dyshohet se ka qenë brenda Redjan Rraja.
Për pasojë u plagosën të tre, por në gjendje më të rëndë ishte Andi Maloku, i cili u bë mbrojtja e prokurorit Ndoja në atentat. Për shkak të plagëve të shumta, ai ndërroi jetë dy ditë më vonë në spitalin e Traumës në Tiranë.
