Nga Lutfi Dervishi
Një protestë nuk është thjesht një listë akuzash ndaj pushtetit. Kur zgjat më shumë se një muaj...
SOCIALE
Mot i kthjellët, ja sa pritet të shkojnë temperaturat këtë të shtunë
PiranjatPërditësimi i fundit 4 Korrik 2026, 07:56
Këtë të shtunë, moti do të karakterizohet nga kushte atmosferike relativisht të paqëndrueshme në vendin tonë. Sipas parashikimeve meteorologjike, moti do të nisë me kthjellime, ndërsa gjatë orëve të mesditës dhe pasdites do të ketë shtim të vranësirave në një pjesë të territorit.
Reshjet e shiut pritet të përqendrohen kryesisht në zonat malore të lindjes dhe juglindjes, ku do të shfaqen në formën e shtrëngatave afatshkurtra, të shoqëruara me shkarkesa elektrike. Në disa zona nuk përjashtohet edhe rënia e breshërit.
Pas orëve të pasdites, moti pritet të përmirësohet gradualisht, duke dominuar kthjellimet në pjesën më të madhe të vendit.
Temperaturat minimale do të zbresin deri në 17°C, ndërsa ato maksimale do të arrijnë deri në 34°C, duke ruajtur vlerat tipike të stinës së verës.
Era do të fryjë me drejtim kryesor nga Verilindja në Veriperëndim, me një shpejtësi mesatare prej 7 m/s. Në zonat bregdetare dhe luginore, herë pas here, era pritet të forcohet deri në 12 m/s.
Temperaturat minimale dhe maksimale të ajrit pritet të arrijnë:
në bregdet: 24 / 32 °C
në vendet e ulëta: 21 / 35 °C
në vendet malore: 16 / 28 °C
Era pritet të fryjë e lehtë deri mesatare, në momente të caktuara në zonat malore dhe bregdet deri e fortë.
