Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
AKTUALITET
Gjyqtarja Fetahu i kërkoi bandave të hakmerret ndaj Saimir Kodrës! Përgjimet e SkyEcc: Do e kap, ai do ta paguajë 10-fish
ZH.LLPërditësimi i fundit 26 Nëntor 2024, 10:04
Kodra dhe Fetahu
TIRANË- Prokuroria e Posaçme ka zhvilluar një operacion në Elbasan pas zbërthimit të disa bisedave në SKY ECC. Ndër personat për të cilët është ekzekutuar masa“arrest në burg” është ish-gjyqtarja Pajtime Fetahu, e cila gjatë ushtrimit të detyrës akuzohet se i shërbente krimit.
Nga përgjimet e SPAK, në aplikacionin e koduar SkyEcc, rezulton se gjyqtarja Fetahu është përfshirë në një tentativë për t’u hakmarrë ndaj gazetarit, Saimir Kodra. Gazetari ka denoncuar në emisionin investigativ çështje korruptive të ish-gjyqtares.
Në një bisedë të bërë publike në emisionin "Opinion", ish-gjyqtarja Pajtime Fetahu komunikon me një personazh, i cili i siguron asaj hakmarrjen ndaj Kodrës. Bashkëbiseduesi i siguron ish-gjyqtares, se gazetari do ta paguajë 10-fish.
“Ai, djali i vogël, të gënjej me jetën time, nuk ka djegur asgjë, po pse ty do të gënjej unë, ai mund të ketë djegur shtëpinë e familjarëve të Saimir të Stopit, se kam të sigurt. Unë kam menduar që e ke kuptuar. Atë e kanë bërë shokët e mi me dijeninë time. Në fakt unë doja të dëmtoja direkt Saimirin, ishte e pamundur, ruhej shumë. Flinte te “Plaza” vetë qeni, por do ta kap. Atë që të ka ba ty, ai do ta paguajë 10-fish. Do më falësh që nuk jam marrë më shumë me të, se e di jemi të ngarkuar. Ta kalojmë këtë valë, nuk të falet, do ta paguajë për atë që të ka bërë ty. Me atë jam marrë personalisht”, thuhet në bisedën e zbardhur.
