Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Goditi me thikë 48-vjeçarin, përfundon në prangat e policisë
PiranjatPërditësimi i fundit 24 Tetor 2025, 11:04
Policia e Tiranës ka arrestuar një 51-vjeçar, Ronald Lace, i cili akuzohet për plagosje me thikë gjatë një konflikti për motive të dobëta. Ngjarja ka ndodhur pas një përplasjeje mes Lace dhe 48-vjeçarit Mikel Xibro, të cilin ai e goditi me thikë.
Mikel Xibro është dërguar menjëherë në spital, ku është vënë në kujdesin e mjekëve. Mësohet, se aktualisht ai ndodhet jashtë rrezikut për jetën dhe është në gjendje stabile.
Njoftimi i policisë:
Shërbimet e Komisariatit të Policisë Nr. 4, në bashkëpunim me shërbimet e Forcës së Posaçme “Shqiponja”, dje, pas marrjes së njoftimit se në Rrugën e Dibrës, një shtetas ishte plagosur me mjet prerës, kanë shkuar menjëherë në vendngjarje, me qëllim kapjen e autorit dhe zbardhjen e rrethanave të rastit.
Si rezultat i veprimeve të shpejta hetimore dhe procedurale, është identifikuar, kapur dhe vënë në pranga autori i dyshuar, shtetasi Ronald Lacej, 51 vjeç.
Ky shtetas dyshohet se gjatë një konflikti për motive të dobëta, me shtetasin Mikel Xibro, 48 vjeç, e ka goditur atë, me thikë. Shtetasi M. X. ndodhet në spital, në kujdesin e mjekëve, jashtë rrezikut për jetën.
Në cilësinë e provës materiale u sekuestrua thika e dyshuar e përdorur për plagosjen.
Materialet procedurale iu referuan Prokurorisë, për veprime të mëtejshme.
