Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
AKTUALITET
Grabitet kasaforta me miliona lekë e sende me vlerë 20 mijë euro në Tiranë, zbulohet grupi (VIDEO)
PiranjatPërditësimi i fundit 31 Tetor 2025, 12:58
Një shumë e madhe parash dhe sende me vlerë janë grabitur nga një grup i organizuar hajdutësh në Tiranë.
Policia tha se vjedhja u regjistrua rreth një javë më parë, ndërsa grabitësit vodhën 1 milion lekë dhe sende me vlerë 20 mijë euro.
Në pranga ka përfunduar 50-vjeçari Pashk Zefi ndërsa në kërkim është bashkëpunëtori.
Njoftimi:
Pas kallëzimit të një shtetaseje, se më datë 24.10.2025, nga kasaforta në banesën e saj, ishin vjedhur gjatë kohës që nuk kishte patur banorë, 1 000 000 lekë dhe sende me vlerë 20 000 euro, shërbimet e Komisariatit të Policisë Nr. 4 organizuan punën për kapjen e autorit/ëve.
Si rezultat i veprimeve të shpejta hetimore dhe operacionale, të kryera në kuadër të operacionit “Rojtaret”, u mundësua identifikimi i të dy shtetasve të implikuar në këtë rast, konkretisht P. Z., 52 vjeç dhe D. B., 56 vjeç, të banues në Tiranë. 52-vjeçari u vu në pranga, ndërsa shtetasi D. B. u shpall në kërkim.
Nga këto veprime dyshohet se 2 shtetasit kanë mbajtur në vëzhgim banesën në rrugën “Musa Agolli”, ku shtetasi P. Z. ka hyrë për të vjedhur, kur nuk ka patur banorë. Ndërkaq, shtetasi D. B. ka larguar me automjet, 52-vjeçarin, nga banesa, pasi ky i fundit dyshohet se vodhi nga kasaforta, 1 000 000 lekë dhe sende me vlerë 20 000 euro.
Vijojnë kërkimet për kapjen e shtetasit D. B. Gjithashtu, vijojnë hetime për të zbardhur vjedhje të tjera që mund të kenë kryer këta shtetas.
Materialet procedurale iu referuan Prokurorisë së Tiranës, për veprime të metejshme.
