Momente tensioni u regjistruan gjatë ndeshjes mes Shqipërisë dhe Izraelit, menjëherë pas golit të shënuar nga skuadra mike. F...
AKTUALITET
Grabitja spektakolare në Rinas/ GJKKO shtyn seancën e gjyqit ndaj Talo Çelës
S.BPërditësimi i fundit 9 Shtator 2024, 12:53
TIRANË- Gjykata e Posaçme ka shtyrë seancën e gjyqit të Talo Çelës për më 1 tetor. Çela gjykohet në mungesë për grabitjen e 10 milionë eurove në Rinas, që ndodhi më 9 prill të 2019-ës. Bëhet me dije se shkak për shtyrjen e seancës ishte mungesa e njërit prej anëtarëve të trupës gjykuese për arsye shëndetësore.
Ngjarja e parë e bujshme, ku u përmend emri i Talo Çelës, është grabitja në Rinas, që ndodhi më 9 prill 2019. Disa persona të maskuar, nën kërcënimin e armës arritën të vidhnin 10 milionë euro, që kishin si destinacion Vjenën. Në këtë grabitje ka marrë pjesë edhe Talo Çela. Po kështu, dyshohet se Çela ka qenë pjesë e atentatit me armë zjarri, ku u vranë 2 vëllezërit Haxhia në Durrës.
Po ashtu, Çela është i dyshuar si i përfshirë në ekzekutimin e katër personave të tjerë, Indrit dhe Arben Dylgjerit dhe një shtetasi turk Erdal Durunay, ngjarje e ndodhur në 28 dhjetor 2018, e njohur si masakra e Bradasheshit. Po ashtu akuzohet edhe për vrasjen e Andi Zylyfit rreth një vit më pas. Më 13 dhjetor, ky i fundit kishte ardhur nga emigrimi për të festuar festat e fundvitit, kur u qëllua me 27 plumba në një lokal në rrugën nacionale Elbasan-Peqin.
Për kapjen e Talo Çelës, deri më tani kanë dështuar më shumë se 20 operacione të kryera nga forcat RENEA, të cilat janë kryer në territore të ndryshme të Shqipërisë, aty ku ka pasur informacione se fshihej i shumëkërkuari.
