Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
Hetimi i fondeve të USAID për Ballkanin/ DASH: Po zhbëhen dekada mashtrime dhe abuzime!
r.llPërditësimi i fundit 7 Mars 2025, 19:21
foto ilustruese
SHBA- Departamenti Amerikan të Shtetit ka dhënë një reagim lidhur me hetimet për fondet e USAID në Ballkan. Në përgjigjen zyrtare për Topnews, DASH deklaron se Departamenti i Shtetit dhe USAID kanë rishikuar rreth 15,600 dhënie, kontrata dhe grante për asistencë të huaj. Sipas DASH, veprimet që po ndërmerr administrata po zhbëjnë sipas tyre dekada humbje, mashtrime dhe abuzime.
“Populli amerikan i dha një mandat Presidentit Trump për të çrrënjosur joefikasitetin në të gjithë qeverinë federale. Sekretari ka punuar me zell që kur u betua për të rishikuar çdo dollar të shpenzuar në Departamentin e Shtetit të SHBA dhe USAID për të siguruar që burimet e taksapaguesve po përdoren për ta bërë Amerikën më të sigurt, më të fortë dhe më të begatë. Deri më sot, Departamenti i Shtetit dhe USAID kanë rishikuar rreth 15,600 dhënie, kontrata dhe grante për asistencë të huaj.
Veprimet që po ndërmerr administrata po zhbëjnë dekada humbje, mashtrime dhe abuzime. Siç tha Sekretari Rubio, “Në afat të gjatë do të jetë e dobishme, sepse ne do të jemi në gjendje të themi se çdo program që ne jemi atje duke vepruar i shërben interesit kombëtar sepse na bën më të sigurt, më të fortë ose më të begatë”, thuhet në deklaratën zyrtare.
Me rikthimin në Shtëpinë e Bardhë, Donald Trump firmosi një urdhër për pezullimin e ndihmës së huaj nëpërmjet USAID në mbarë botën, duke argumentuar se paratë e taksapaguesve amerikanë po shpërdoroheshin ose mbështesin agjendën politike të Soros.
