Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
AKTUALITET
Hetimi ndaj tij dhe gazetarit Artan Hoxha, Qyno: U deshën disa biseda të personave të dytë apo të tretë që të baltosesha me qëllim që të humbisja gjyqet
M.B.Përditësimi i fundit 24 Prill 2025, 22:51
TIRANA- Gazetari Elton Qyno foli sot lidhur me hetimin e nisur nga SPAK ndaj tij dhe gazetarit Artan Hoxha. I ftuar në "Çim Peka Live", Qyno tha se u deshën disa biseda të personave të dytë apo të tretë që të baltosej me qëllim që të humbiste gjyqet në Gjykatën e Lartë dhe atë Kushtetuese.
Ai tha se se është hetuar për korrupsion pasiv në sektorin privat pa patur prova konkrete. Gjithashtu Qyno foli për momentin kur ishte thirrur në SPAK duke e cilësuar si një skenar të pazakontë, pasi sipas tij, ai qëndronte në zyrën e prokurorit në katin e dytë, ndërsa në katin e dytë bëhej gjyqi për lëshimin e urdhër kontrollit.
"Çështjen tjetër që kam me SPAK, është e hapur aktualisht, është çështja ku jemi vënë nën hetim së bashku me Artan Hoxhën për korrupsion pasiv në sektorin privat. Niveli më i lartë i korrupsionit dhe në sektor privat dhe në sektor administrate, por u desh që t'i bien gjithë SKY-it anë e mbanë me shpresën për të gjetur kodet e Elton Qynos dhe Elton Qyno përveç se s'ka pasur kode, s'ka pasur as aplikacionin sekret veç një whatsapp apo telegram. Dhe u deshën disa biseda të personave të tjerë të dytë apo të tretë që të përfshihej Elton Qyno në një çështje penale dhe me qëllimin e vetëm që të baltosej Elton Qyno dhe nga ana tjetër të humbej edhe gjyqi në Gjykatën e Lartë edhe gjyqi në Gjykatën Kushtetuese.
Realisht, kur ka ndodhur çështja e parë, kam pësuar një goditje sepse nuk e kisha pritur atë valën e sulmit. Ditën e 13 dhjetorit, edhe pse u bllokova aty brenda. Sigurisht, në atë godinë unë kam hyrë e kam dalë për shumë vite me radhe dhe nuk kisha atë emocionin pse ata po më mbanin atje brenda, dhe në momentin kur filluan të më kërkonin që do të zbatonin procedurën, mendova që do më mbanin aty 48 orë dhe do më lëshonin.
Por kur më kanë ardhur me tre vendime kontrolli, atëherë jam habitur dhe e kam parë veten ngushtë sepse të tre vendimeve të kontrollit nuk i thoshe dot më jo sepse duhet të ekzekutoheshin. Aq më tepër që 3 vendimet e kontrollit ishin marrë për 55 minuta, ndërkohë që unë isha lart, poshtë bëhej gjyq. Një procedurë që nuk ishte bërë ndonjëherë, jo në Shqipëri, por as në një vend të Europës apo botës, që gazetari mbahej lart në katin e dytë dhe në katin e parë bëhej gjyqi.
Dhe rrëmbehet gazetari, hipet në makinë, më çuan në shtëpi për të ekzekutuar vendimin e gjykatës. Dhe unë kam qenë në hava. Më vonë nga ora 1:30 kam dalë unë nga dyert e SPAK. Më thanë atje (në gjykatën Kushtetuese) që nuk provohet se ky është mbajtur në SPAK. Tani, si mund ta provoj unë që kam hyrë në shtëpinë tënde. Kamerat i kanë ata, le ti nxjerrin. Unë vetë nuk e kam pritur që do kryheshin kontrolle", tha Qyno.
