Janë zbardhur detaje të reja nga thirrja në SPAK e biznesmenit Ermal Beqiri, pronar i kompanisë “Soft & Solution”, i cili njihet si “gllabëruesi” i parave publike përmes tenderave të Agjencisë Kombëtare të Shoqërisë së Informacionit (AKSHI).
Burime bëjnë me dije se ai ka dëshmuar pikërisht në lidhje me abuzimet me tenderat e AKSHI-t, teksa në momentin kur u largua nga SPAK, u mundua t’u shmangej kamerave, edhe pse u filmua teksa nxitonte për të mos u dukur para derës së “godinës me xhama”.
Mësohet se fletë-thirrja për Ermal Beqirin ishte firmosur nga prokurori Elvin Gokaj, teksa paraqitja e tij në SPAK, vjen vetëm pak kohë pasi oficerët e BKH-së ushtruan kontroll në zyrat e kompanisë “Soft & Solution” në pronësi të tij.
Burime për VNA bëjnë me dije se aktet hetimore ndaj Ermal Beqirit dhe ndaj kompanisë “Soft & Solution” janë bashkuar me dosjen e abuzimeve të tenderave të AKSHI-t të drejtuar nga Mirlinda Karçanaj, ku prokurori Gokaj ka evidentuar disa shkelje në procedurat e ndjekura.
Në këtë hetim të parë, krahas procedurave të tenderave që janë sekuestruar, prokurorët kanë analizuar dhe çdo transaksion të bërë nga Beqiri dhe kompanitë e tij.
Rezulton se Ermal Beqiri, një ish-punonjës i administratës shqiptare dhe më pas biznesmen me tendera shtetërore, ka blerë një jaht luksoz me vlerë 930 mijë euro në emër të një shtetaseje rumune 24-vjeçare. Ky transaksion me vlerë të lartë, bashkë dhe me shpenzime të tjera, janë duke u kaluar në filtrin e prokurorëve, ndërsa shtetasja nga Rumania ndërkohë po verifikohet.
Më parë ka dëshmuar në SPAK edhe drejtuesja e AKSHI-t, Mirlinda Karçanaj, së bashku me ish zëvendësin e saj, Daniel Shima, por nuk dihet nëse bëhet fjalë për të njëjtin hetim apo jo.
Kompania “Soft & Solution” vijon të jetë një nga përfitueset më të mëdha të kontratave publike në sektorin e teknologjisë, pa u përballur me asnjë pengesë ligjore apo institucionale.
Historia e dyshimtë e “perandorisë” së Ermal Beqirit
Tenderat dhjetra milionë euro të Agjencisë Kombëtare të Shoqërisë së Informacionit (AKSHI) kanë krijuar një situatë oligopoli, në të cilën fondet qeveritare ndahen mes një grushti të vogël kompanish private, disa prej të cilave të lidhura mes tyre.
Një pozicion të rëndësishëm në këtë “oligopol” ka biznesmeni Ermal Beqiri, i cili aktualisht zotëron dy prej shoqërive që janë prezent në rolin e fituesit në tenderat e majmë të AKSHI-t, “Soft & Solution” dhe “Horizon”. “Perandoria” informatike e Beqirit është ngritur mbi një të shkuar të diskutueshme të tij.
Emri i Ermal Beqirit u bë i njohur për publikun në vitin 2011. Në atë kohë, inxhinjeri elektronik 30-vjeçar nga Gjirokastra dhe drejtor i Teknologjisë së Informacionit në Rektoratin e Universitetit të Tiranës, u përzgjodh si një prej ekspertëve të thirrur në procesin për “korrupsion” që po zhvillohej në Gjykatën e Lartë ndaj ish.zv.kryeministrit, Ilir Meta.
Roli i Beqirit dhe kolegëve të tij ishin të ekspertonin videon e njohur në publik si “Meta-Prifti”, në të cilën aludohej se Ilir Meta dhe miku e bashkëpunëtori i tij i hershëm, Dritan Prifti, të dy pjesë e qeverisë, diskutonin për “ndarje parash, në shumën 700 mijë euro”.
Ekspertiza e kryer nga Ermal Beqiri dhe ekspertët e tjerë konkludoi se “videoja ishte e përpunuar” dhe se teksti ishte nxjerrë nga konteksti. Bazuar në këtë ekspertizë, trupa prej 5 gjyqtarësh e Gjykatës së Lartë shpalli të pafajshëm Ilir Metën.
Paralelisht me këtë proces, Beqiri, i cili krahas punës në Rektorat, ishte edhe pedagog në universitetin “Kristal”, krijon një kompani private, “Al-Forensic”, së bashku me kolegun e tij, Ardian Pollo, një tjetër ekspert i thirrur për videon “Meta-Prifti”.
Kjo shoqëri nuk pati sukses të dukshëm. Dy aksionerët e pezullojnë aktivitetin e shoqërisë në vitin 2015, ndërkohë që fitimi për vitin e fundit ishte vetëm 300 mijë lekë të reja.
Më herët, Ermal Beqiri nuk kishte pasur sukses as me një kompani tjetër, “Al-Soft”, të cilën e krijoi dhe e mbylli brenda vitit 2010.
Beqiri rishfaqet në publik në fund të vitit 2013, në atë që konsiderohet si “skandali i serverit të Tatimeve”.
Në nëntor të atij viti pati dyshime të forta se kishte ndërhyrje të paligjshme në serverin qendror të Drejtorisë së Përgjithshme të Tatimeve. Për verifikimin e situatës, pranë Tatimeve shkuan deputeti i Komisionit të Sigurisë në atë kohë, Spartak Braho, i shoqëruar nga eksperti Ermal Beqiri. Në atë kohë u mësua se Beqiri shërbente si këshilltar informatik pranë kabinetit të kryeministrit Edi Rama.
Ermal Beqiri dhe Panajot Gjiknuri, vëllai i ish-ministrit Damian Gjiknuri, kryen auditimin administrativ të këtij rasti, sipas dëshmive të bëra publike gjatë Komisionit Hetimor Parlamentar për “serverin e Tatimeve”, të zhvilluar në vitin 2016.
Një hetim penal i mëvonshëm konstatoi se nuk kishte pasur ndërhyrje të paligjshme në serverin e Tatimeve, por situata problematike ishte krijuar për shkak të një anomalie elektronike.
Të dhëna zyrtare tregojnë se lidhja mes Spartak Brahos dhe Ermal Beqirit nuk ishte vetëm në kuadrin e raporteve zyrtare.
Në qershor të vitit 2012 regjistrohet shoqëria “Alb Red Stone”, me aksioner themelues Ramazan Domi, Ermal Beqiri dhe Arbër Braho, ky i fundit djali i Spartak Brahos. Kompania vijon të jetë active dhe ka objekt “Aktivitete në fushën e prodhimit të materialeve të ndërtimit nxjerrjes, shfrytëzimit dhe përpunimit të burimeve minerale, mermereve, graniteve, etj.”
Në vitin 2015, emri i Ermal Beqirit gjendet në listën e të punësuarve pranë Drejtorisë së Përgjithshme të Hipotekës, në pozicionin e drejtorit të Teknologjisë së Informacionit.
Gjatë periudhës që ai mbante këtë post, një kompani private pa shumë histori deri në atë kohë, “Soft & Solution”, nisi të fitonte radhazi tendera për pajisje informatike pranë Hipotekës.
Gjatë vitit 2016 pati raportime mediatike që hidhnin dyshime se Ermal Beqiri fshihej pas kompanisë “Soft & Solution”, e cila zyrtarisht ishte në pronësi të Arjola Koromani. Konfirmimet mediatike u konfirmuan më vonë.
Në një kohë më të vonë, Ermal Beqiri vendos të dalë nga aktivizimi në administratën publike, duke hyrë përfundimisht në botën e biznesit. Në janar të vitit 2018 krijon kompaninë “5min.al”, me objekt “blerje e shitje dhe dhënie makinash me qira…”. Duket se ka qenë një biznes jo shumë i mirë, pasi, vetëm një vit më vonë, në janar 2019, e pezullon aktivitetin e saj.
Në vitin 2021, Ermal Beqiri merr në kontroll kompaninë “Soft & Solution”, për të cilën ka pasur dyshime të mëhershme mediatike se e kontrollonte në hije, që kur ai ishte drejtor IT në Hipotekë dhe shoqëria fitonte tendera radhazi pranë atij institucionit.
Kompania “Soft & Solution” është krijuar në janar të vitit 2011, me objekt “Zhvillim, implementim dhe mirëmbajtje të sistemeve dhe programeve në fushën e teknologjisë së informacionit…etj,”.
Aksionerët themelues ishin Enida Puto e Vjollca Vasjari. Disa muaj më pas, në tetor të atij viti, aksionet e shoqërisë blihen nga Dritan Didi.
Ky i fundit qëndron vetëm pak muaj aksioner dhe, në mars 2012 e shet kompaninë ‘Soft & Solution” tek Arjola Koromani.
Në Korrik të vitit 2021, Koromani e shet kompaninë tek Ermal Beqiri për shumën 1 milionë lekë të reja. Pas këtij transaksioni, Arjola Koromani vijon të mbajë postin e administratores së shoqërisë.
Gjatë vitit 2024, Ermal Beqiri shton portofolin e tij të biznese me tre kompani të tjera.
Në Mars të këtij viti ai themelon shoqërinë “R&D Solution”, me objekt “Kërkim shkencor dhe teknologjik..etj,”. Administratore e shoqërisë është sërish Arjola Koromani, ish-pronarja e “Soft & Solution
Në Prill të vitit 2024, Ermal Beqiri blen 100 përqind të aksioneve të shoqërisë ‘IT Tirana”, për një shumë prej 144 mijë euro. Pas blerjes, emri i shoqërisë ndryshohet në “NSolution”.
Shoqëria “IT Tirana” është themeluar në vitin 2008, me objekt të aktivitetit “Shërbime në fushën e telekomunikacioneve, rrjeteve kompjuterike…”.
Beqiri e bleu shoqërinë nga ortakët e saj, shtetasit gjermanë Volker Valentin Koch, Jochen Mosthaf dhe Arben Qarkaxhija.
Dhe, në Maj 2024, Ermal Beqiri bën një tjetër “goditje” të rëndësishme, duke blerë për 380 mijë euro të gjithë aksionet e kompanisë “Horizon”.
Kjo shoqëri është themeluar në vitin 2005, me objekt “veprimtari në fushën informatike…”.
Beqiri e bleu kompaninë nga “Comscope Limited”, një shoqëri e regjistruar në zonën off-shore të Qipros dhe me përfaqësues Vasileios Stachos. Pas kryerjes së këtij transaksioni, Stachos vijon të mbajë ende postin e administratorit të shoqërisë “Horizon”. /BoldNews/
Artikuj te sugjeruar
AKTUALITET
16 Shtator17:55
VIDEO/ Djali i kryetarit të njësisë 12 në Tiranë dhunoi qytetarin në prani të policisë, pezullohet nga detyra efektivi
Një ngjarje e rëndë ka ndoshur në Tiranë, ku Sindi Allushi, djali i Saimir Allushit, kryetar i njësisë administrative ...
AKTUALITET
16 Shtator17:48
Lëkundje tërmeti në afërsi të Tiranës. Sa ishte magnituda dhe epiqendra (Foto)
Një tërmet u regjistrua pasditen e sotme në vendin tonë.
Tërmeti me magnitutë 3 ballë i shkallës rihter u regjistrua rr...
AKTUALITET
16 Shtator17:38
Vrau ‘hasmin’ 15 vite pasi i plagosi të bijën, kërkohet burg përjetë për autorin (Emri)
Prokuroria e Dibrës kërkoi dënimin me burgim të përjetshëm për Islam Metën, i cili në janar të 2024 vrau me ar...
AKTUALITET
16 Shtator17:05
VIDEO/ Aksident i rëndë te kryqëzimi i Tajvanit, "Toyota" përplas qyetarin me biçikletë
Një aksident rrugor ka ndodhur mesditën e sotme në Tiranë, ku raportohet se ka mbetur i plagosur një qytetar. Mësohet se qytetar...
AKTUALITET
16 Shtator16:44
EMRI/ Ky është shqiptari i vrarë me një plumb të vetëm brenda makinës. Policia i publikon foton dhe kërkon informacion
Policia e Torontos ka identifikuar viktimën e një të shtëne me armë zjarri në një qendër tregtare në lindje të...
AKTUALITET
16 Shtator16:34
Detaje nga skemapiramidale online/ Kamarierët nxorrën zbuluar ‘profesorin’ e Lushnjes, reklamoheshin në lokalin e tij
Pas denoncimeve të vazhdueshme nga JOQ ALBANIA për platformat online "TXEX” dhe “XUEX” (njohur ndryshe si XEUX), pak ditë m&e...
AKTUALITET
16 Shtator16:09
EMRAT/ Vodhën xhiron ditore në një karburant, arrestohen dy persona në Librazhd
Policia ka arrestuar 2 persona, pasi të maskuar dhe nën kërcënimin e një arme zjarri, vodhën me dhunë lekët e xhiros d...
AKTUALITET
16 Shtator15:40
Dy skema të tjera piramidale në Fier, agjentët e infiltruar si klientë zbërthejnë mashtrimin
Dy skema të reja mashtrimi janë zbuluar nga agjentë të infiltruar të Policisë së Fierit dhe ata të sektorit të Ki...
AKTUALITET
16 Shtator14:58
Dokumenti/ ABI Bank i futet ndërtimit, merr 32 hektarë tokë për resort në Vlorë përmes shoqërive komandite
Banka Amerikane e Investimeve, e njohur ndryshe si ABI Bank, ka vendosur të hyjë në tregun e ndërtimit të resorteve në zonat bre...
AKTUALITET
16 Shtator14:31
Emri/ Detaje nga aksidenti tragjik në aksin Fier-Lushnjë, mosha e viktimës dhe gjendja e të plagosurve
Janë mësuar detaje të reja nga aksidenti i rëndë që ndodhi sot në autostradën Fier-Lushnjë, ku humbi jetën nj&...
