Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Hodhi foshnjen në plehra, zbardhet një tjetër dëshmi e babait: E dinim për shtatzaninë por nuk shkuam te mjeku (Dinamika)
b.zPërditësimi i fundit 11 Maj 2024, 22:38
Momenti kur hedh foshnjen në plehra
GREQI - Ngjarja që u raportua një ditë më parë në Varona të Greqisë, shkaktoi reagime të ashpra në rrjet, teksa detaje të tjera dalin në dritë. Ditën e sotme babai i foshnjes tashmë i arrestuar për ngjarjen në fjalë, ka deklaruar se ishin në dijeni të shtatzanisë së gruas por nuk kishin shkuar tek mjeku për kontroll.
Sipas mediave vendase23-vjeçari kishte ardhur në Greqi gjashtë muaj më parë për punë ku ka takuar partneren e tij me të cilën kanë pasur lidhje. Partnerja e tij 24-vjeçare dhe nëna e të porsalindurit, punonte muajin e fundit në një hotel në Vravrona si shërbyese dhe qëndronte në dhomën e hotelit me tre gra të tjera.
Dy ditë më pare edhe 23-vjeçari gjithashtu kishte filluar punën dhe qëndronte në një dhomë tjetër me tre burra të tjerë. Siç ka denoncuar në polici ai e ka ditur për shtatzëninë e partneres së tij dhe në fakt pas lindjes kanë synuar të martohen. Askush tjetër nuk e dinte për shtatzëninë siç tha ai ndërsa shtoi se nuk kishin shkuar te mjeku pasi vajza nuk po përballej me asnjë problem.
Pasditen e së enjtes së kaluar dhe teksa punonte në kuzhinë si ndihmës kuzhinier, është njoftuar nga bashkatdhetarët se partnerja e tij është mbyllur në dhomë prej disa orësh dhe se diçka po ndodh. Më pas është ngjitur në dhomë dhe pasi kanë trokitur dhe bërtitur kanë hapur derën me forcë bashkë me bashkatdhetarët e tjerë që punonin në hotel dhe kanë hyrë brenda. Aty e gjeti partneren e tij “në këmbë me gjakderdhje të rëndë vaginale, ndërkohë që kishte gjak në banjë”, raportojnë mediat vendase. Çifti u ka kërkuar bashkatdhetarëve që t'i linin vetëm në dhomë, ndërsa thirrën një taksi për ta çuar gruan në spital. Siç tha ai në polici që prej datës 8 maj, partnerja e tij ankohej për dhimbje barku dhe kur u dërgua në spital pasditen e 9 majit, kishte gjakderdhje.
23-vjeçari dhe 24-vjeçarja u akuzuan për vrasje të përbashkët. Autoritetet kompetente hetimore janë në pritje të rezultatit të raportit mjeko-ligjor, i cili do të përcaktojë rrjedhën e hetimeve dhe nëse aktakuza do të mbetet e njëjtë.
Ndërkohë në videon e publikuar nga mediat vendase shihet momentit kur babai e hedh foshnjën në plehra. Imazhet tregojnë burrin nepalez që mban dy çanta në dorën e majtë njëra prej të cilave përmban foshnjën e vdekur dhe i vendos ato në një kosh plehrash.
