Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
I akuzuar për disa vrasje, “ushtari” i Dumanit kërkon të bëhet bashkëpunëtor i drejtësisë
PiranjatPërditësimi i fundit 5 Korrik 2023, 20:00
Skerdi Tase është një tjetër “ushtar” i Nuredin Dumanit që ka kërkuar të bëhet bashkëpunëtor i drejtësisë për të zbardhur ngjarjet ku ka qenë pjesëmarrës. Skerdi Tase dhe Henerik Hoxhaj, dy ushtarët e Dumanit, ishin paguar nga Albert Pashaj që të ekzekutonin Aredin Beharin.
Vrasësit janë paguar deri në 80 mijë euro për të eliminuar fizikisht një person në Fier, i cili në të dyja rastet ka arritur t’i pikasë në kohë autorët, duke u shpëtuar kështu dy atentateve.
Një tjetër ngjarje e rëndë e zbardhur nga dëshmia e të penduarit Nuredin Dumani është ajo e atentatit ndaj Lulzim Mashës, pronarit të shkollës “Wilson” në Tiranë. Dumani ka thënë se vrasja e tij është porositur nga Suel Çela, dhe kanë marrë pjesë në ngjarje Skerdi Tase dhe Henrik Hoxhaj. Skerdi Tase qëlloi 3 herë me armë në drejtim të makinës së Lulzim Mashës, shkruan “oranews”.
Po ashtu Tase përmendet edhe në dëshminë e Nuredin Dumanit në vrasjen e Emiljano Ramazanit. Ai ka treguar se Tase ka marrë pjese në vrasjen e Ramazanit të ndodhur më 20 korrik të vitit 2020.
Kujtojmë që të penduar të drejtësisë më herët është bërë Nuredin Dumani, i cili ka zbardhur një sërë vrasjesh, po ashtu Klevis Alla, Eugen Halili dhe Erion Alibej.
