Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
AKTUALITET
I arrestuar për vrasje dhe krahu i djathtë i Ibrahim Licit/ Kush është bashkëpunëtori i Gilës në masakrën e Shkodrës?
PiranjatPërditësimi i fundit 9 Shtator 2025, 11:52
Policia njoftoi këtë të martë se për masakrën e ndodhur ditën e djeshme në Shkodër ka shpallur në kërkim dy persona, mes tyre Barush Bregu, i njohur dhe si Bajram Bregu, i cili akuzohet se është një nga bashkëpunëtorët e Ragip Gilës, i cili vra dy persona dhe plagosi dy të tjerë.
39-vjeçari do të përballet me akuzat për veprat penale “Sigurimi i kushteve dhe mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe municionit” dhe “Vjedhja”.
Megjithatë emri i Bregut nuk është i panjohur për forcat e rendit. Ai është arrestuar në vitin 2019 për vrasjen e vëllezërve Bilali.
Barush Bregu njihet si krahu i djathtë i Ibrahim Liçit autorit kryesor të dyshuar për vrasjen e vëllezërve Bilali me 30 mars të këtij viti dhe pjesëtar i familjes Liçi të cilët janë në përplasje me grupin tjetër kriminal Bajri edhe këto të fundit të arrestuar që në shtator të vitit të kaluar.
Teksa në 2016 Bregu është dënuar me 4 vite burg për kultivim të bimëve narkotike, kryer në bashkëpunim si dhe armëmbajtje pa leje. Në vitin 2018, policia gjatë një operacioni në banesë i gjeti një automatik kallashnikov.
Vlen të theksohet se Barush ose Bajram Bregu vitin e kaluar gjatë ndjekjes nga policia e Shkodrës arriti që t’i shpëtojë ndërsa përplasi me mjetin e tij dy patrulla të policisë duke i shpëtuar ndjekjes.
