Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
I cilësuar si kriminel i profilit të lartë, kush është shqiptari që përfitoi ulje të dënimit nga presidenti amerikan Joe Biden
r.llPërditësimi i fundit 14 Dhjetor 2024, 21:04
foto ilustruese
SHBA- Trafikantët e drogës, drejtuesit e karteleve dhe të akuzuarit për mashtrim shfaqen në listën e presidentit amerikan Joe Biden, ku janë rreth 1500 persona, të cilëve ai iu ka ulur dënimin apo i ka falur.
Si pjesë e dhënies së faljes së tij rekorde, Biden njoftoi të enjten se do të zbusë dënimet për individët të cilët u vendosën në izolim në shtëpi gjatë pandemisë COVID-19 dhe që janë riintegruar me sukses në familjet dhe komunitetet e tyre. Lista e uljeve të dënimeve të lëshuara nga Shtëpia e Bardhë përfshin edhe disa kriminelë të profilit të lartë.
Në këtë listë bën pjesë edhe shqiptari, Francesk Shkambi, i cili u dënua fillimisht në korrik 2014 me 27 vjet burg për drejtimin e një organizate kriminale që kontrabandonte kokainë dhe marijuanë në Shtetet e Bashkuara nga Shqipëria, sipas të dhënave të gjykatës .
“Shkambi gjithashtu negocioi me një burim të huaj për të trafikuar kokainë nga Meksika në Evropë”, tregojnë të dhënat. “Juria e gjeti Shkambin përgjegjës për trafikimin e 85 kilogramë kokainë, 4 kilogramë heroinë, afërsisht 122 paund marijuanë dhe 4000 pilula ekstazi”. Sipas Byrosë Federale të Burgjeve (BOP), Shkambi pritej të lirohej përfundimisht në vitin 2029. Shumë prej atyre që morën falje i kishin përfunduar dënimet e tyre, por krimet tani do të fshihen nga të dhënat e tyre.
