Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
I dyshuari për tentativë vjedhjeje përplaset me policinë në Tiranë, përfundon në spital
PiranjatPërditësimi i fundit 17 Qershor 2026, 23:31
Momente tensioni janë regjistruar në ambientet e një supermarketi “Big Market”, tek rruga Kongresi i Manastirit, ku një person i dyshuar për tentativë vjedhjeje është përfshirë në një incident me forcat e policisë.
Sipas informacioneve paraprake dhe dëshmive të personave të pranishëm, i dyshuari tentoi të largohej me disa produkte pa i paguar, ndërsa më pas situata është agravuar, duke kërkuar ndërhyrjen e efektivëve të Forcës së Posaçme “Shqiponja”.
Në pamjet e siguruara shihet momenti kur personi shoqërohet drejt ambulancës, pasi kishte pësuar lëndime gjatë incidentit. Burime nga vendngjarja bëjnë me dije se ai ka kundërshtuar me forcë efektivët e policisë, të cilët vijuan ta mbanin nën vëzhgim edhe gjatë transportimit për në spital.
Dëshmitarët tregojnë se ngjarja ka shkaktuar shqetësim te klientët dhe punonjësit e marketit, ndërsa ndërhyrja e policisë ka bërë të mundur neutralizimin e situatës.
Rrethanat e plota të incidentit mbeten ende të paqarta dhe pritet që hetimet e policisë të hedhin më shumë dritë mbi atë që ka ndodhur në ambientet e supermarketit.
