I kërkonte video intime një vajze duke u prezantuar si një person tjetër, ekstradohet nga Italia 33-vjeçari i shpallur në kërkim

TIRANA- Një 33-vjeçar me inicialet E. H., është ekstraduar nga Italia pasi akuzohet për veprën penale të përndjekjes. Mësohet se Drejtoria e Interpol Tiranës e ka shpallur në kërkim ndërkombëtar 33-vjeçari, sepse më datë 19.07.2023, i është caktuar masa e sigurisë “Arrest në burg” për veprën penale “Përndjekja”.

Nga hetimet dyshohet se në vitin 2019, ai duke u prezantuar si një person tjetër ka kanosur një vajzë, për t’i dërguar video intime.

Njoftimi:

Ekstradohet nga Italia, një shtetas shqiptar i akuzuar për përndjekje.

Operacioni “Para drejtësisë”, 33-vjeçari, duke u prezantuar si një shtetas tjetër, kanosi një shtetase, në vitin 2019, që t’i dërgonte video intime.

Si rezultat i bashkëpunimit të vazhdueshëm ndërmjet Interpol Tiranës dhe homologëve në Itali, me qëllim finalizimin e procedurave për ekstradimin e shtetasve të kërkuar ndërkombëtarisht, u ekstradua në Shqipëri, shtetasi shqiptar i arrestuar në Itali, E. H., 33 vjeç.

Drejtoria e Interpol Tiranës e ka shpallur në kërkim ndërkombëtar këtë shtetas, sepse më datë 19.07.2023, i është caktuar masa e sigurisë “Arrest në burg” për veprën penale “Përndjekja”. Nga hetimet dyshohet se në vitin 2019, ky shtetas, duke u prezantuar si shtetasi E. Sh., ka kanosur një shtetase, për t’i dërguar video intime.

italia