Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Atentati me eksploziv ndaj Isuf Jacajt, forcat RENEA dhe FNSH zbarkojnë në Sarandë dhe Konispol. Dyshimet se çfarë fshihet pas vrasjes
PiranjatPërditësimi i fundit 5 Tetor 2025, 16:52
Pas atentatit me eksploziv ndaj 58-vjeçarit Isuf Jacaj në orët e vona të mbrëmjes së të shtunës, forcat RENEA dhe një grup i repartit të FNSH, kanë zbarkuar në qytetin e Sarandës dhe në zonat periferike të Bashkisë Konispol. Forcat RENEA po kryejnë kontrolle të shumta me qëllim gjetjen e provave që mund të çojnë në zbulimin e autorëve.
Pista e vetme në të cilën po hetohet është ajo e vrasjes për hakmarrje, për shkak si i biri i viktimës ka ndihmuar autorin e plagosjes së dy personave në 17 korrik në Sarandë.31-vjeçari Klaus Jaçaj, u vetëdorëzua në Komisariatin e Sarandës mbrëmjen e 23 korrikut, 2 ditë pasi një person i maskuar i shpërtheu me eksploziv automjetin e tij tip “BMW”, që ndodhej i parkuar pranë banesës, ngjarje kjo ende e pazbardhur. Prokuroria ngriti ndaj tij akuzat “përkrahje e autorit të krimit” dhe “moskallëzim krimi” dhe e la në masën e sigurisë “Arrest në burg”.
Ngjarja që pasoi me një sagë hakmarrjesh. Kështu, më 17 korrik të këtij viti, në lagjen nr. 4, 43-vjeçari Ramadan Zoto alias Ramadan Canaj, plagosi me armë zjarri Gëzim Hajdaraj 33 vjeç dhe Ernest Lama 25 vjeç, nga Kamza.
Këta dy të fundit rezultojnë persona me precedentë në Sarandë, pasi në 8 janar të këtij viti, kishin kundërshtuar forcat e policisë së Sarandës në rrugën “Skënderbeu” por kishin rifituar sërish lirinë. Pas plagosjes, Hajdarajt i’u gjet nga policia një armë zjarri pistoletë dhe u arrestua në spital.
Ramadan Zoto, ish- i dënuar në Greqi për krime të rënda, përfshirë vrasje, u largua nga vendi i krimit, derisa u kap i armatosur në Korçë paraditen e 22 gushtit. Dy prej personave që ndodheshin me të në vendngjarje janë vetëdorëzuar më herët.
