Raportuesi i Partisë Popullore Evropiane (PPE) për Shqipërinë, Andrey Kovatchev, ka reaguar për protestat e studentëve në Tir...
AKTUALITET
Atentati me 4 viktima në Shkodër/ Zbardhen detaje, autorët dyshohet se i hodhën acid "Range Rover"-rit dhe më pas e kanë djegur (ARSYEJA)
r.llPërditësimi i fundit 4 Nëntor 2024, 14:43
makina e autoreve
SHKODËR- Janë zbardhur detaje të reja lidhur me lëvizjet e dyshuara të autorëve pas atentatit me 4 viktima në Dobraç të Shkodrës. Sipas informacioneve, autorët e dyshuar të atentatit, me qëllimin për të mos lënë asnjë gjurmë, automjeti “Range Rover” është shkrumbuar fillimisht me acid dhe pastaj i është vënë flaka. Përdorimi i acidit është bërë për të shkatërruar numrin e shasisë të makinës dhe elementeve të tjerë identifikues.
Ndërkohë pak më herët u raportua se “Range Rover” rezulton i vjedhur në lagjen nr.12 në Durrës më 17 Prill të këtij viti, ndërsa ka qenë pronari që asokohe bëri denoncimin për vjedhjen në policinë e Durresit. Kjo është zbuluar nga grupi hetimor pas krahasimit që i është bërë numrit te shasisë, në automjetin që u gjet i djegur, disa minuta pas atentatit.
Po ashtu sipas raportimeve të mediave, dy klinika private në Shkodër, janë kontrolluar nga policia kriminale me shpresën e gjetjes së personit të tretë që dyshohet se ka qenë në makinë ku ndodhenin Hamza Lici dhe Arlind Bushati. Kontrollet janë kryer pas dyshimeve se në këto klinika është paraqitur një person i plagosur dhe pas marrjes së shërbimit mjekësor është larguar sërish, duke mos u mundur të lokalizohet dhe ndalohet nga policia. Identiteti i tij i personit të tretë është ende mister por ka dyshime të forta se është i shumërkërkuari Ibrahim Lici, vëllai i viktimës, Hamza Lici.
Atentati i 30 tetorit në Shkodër.
Atentati ndodhi pasditen e së mërkurës në Dobraç të Shkodrës, ku në rrugën kryesore që lidh qytetin me Malësinë e Madhe, një automjet i ka prerë rrugën një “Mercedes”-i duke qëlluar me breshëri kallashnikovi mbi të. Viktimat ishin Hamza Lici që vdiq në vendin e ngjarjes, Arlind Bushati i cili ndërroi jetë në spital dhe Flutura Basha e cila ishte një kalimtare e rastit në atë rrugë, teksa ndodhej me bashkëshortin e saj në një motor. Ndërkohë, ky i fundit, identifikuar si Bashkim Basha ndërroi jetë në spital, 5 ditë pa atentatit. Në makinën e viktimava shofer ka qenë Hamza Lici dhe pasagjer Arlind Bushati. Lici ka humbur kontrollin e makinës duke marrë para dhe motorin në të cilin ndodhej çifti Basha. Ende nuk ka asnjë person të arrestuar lidhur me ngjarjen e rëndë ndonëse ka pasur shqoërime të shumta në policia dhe marrje në pyetje.
