TIRANA- Ditën e sotme është zbardhur vendimi i Gjykatës së Posaçme kundër Korrupsionit dhe Krimit të Organizuar për pesë të pandehurit, Ramazan Rraja, Genti Nderjaku, Endrit Sinani, Julian Pjetri dhe Bashkim Haxhija, të cilët u dënuan për atentatin ndaj ish-pokurorit Arjan Ndoj, më 1 nëntor 2019, ku humbi jetën shoferi i tij.
Mësohet se Ramazan Raja, nipi i ish-deputetit të PS-së Rrahman Rraja, u dënua me 9 vite burg, por përfitoi nga gjykimi i shkurtuar dhe do të qëndrojë 6 vite pas hekurave. Ndërkohë, Genti Ndërjaku është dënuar me 5.4 vite, Bashkim Haxhia me 4.8 vite, Endrit Sinani me 4.8 vite dhe Julian Pjetri me 4.4 vite. Gjithashtu bëhet me dije se ata do të vuajnë dënimin e tyre në një burg të sigurisë së lartë.
Si ndodhi atentati ndaj Arjan Ndojës?
Më 1 nëntor 2019 një atentat me breshëri automatiku iu bë ndaj ish-prokurorit Arjan Ndoja pranë mbikalimit të Shkozetit. Ditën e ngjarjes Prokurori Ndoja ishte në automjet me një person me precedentë penalë, të njohur si i "forti i Sukthit", Aleksandër Laho (alias Pëllumb Muharremi) i njohur si 'Rrumi i Shijakut', dhe me Andi Malokun, ish-punonjës i policisë në komisariatin e Krujës, shofer i prokurorit, i cili mbeti i vdekur.
Vendimi i plotë i GJKKO-së:
Prokuroria e Posaçme kundër Korrupsionit dhe Krimit të Organizuar ka paraqitur pranë Gjykatës kërkesën me objekt: “Dërgimin për gjykim të çështjes penale në ngarkim të të pandehurve Ramazan Rraja, Genti Nderjaku, Endrit Sinani, Julian Pjetri dhe Bashkim Haxhija”.
Gjykimi i kësaj çështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtaret Rudina Palloj, Etleva Deda dhe Elsa Ulliri, me vendimin Nr. 61, datë 18.10.2024 vendosi:
1.1 Deklarimin e pafajshëm të të pandehurit Ramazan Rraja, akuzuar për kryerjen e veprës penale “Sigurimi i kushteve dhe i mjeteve materiale për të kryer vrasje”, e kryer në bashkëpunim, në formën e grupit të strukturuar kriminal, në dëm të shtetasve/viktimave A.N, A.L (P.M), për episodet e faktit penal para ngjarjes së datës 01.11.2019, parashikuar nga neni 80, në lidhje me nenet 28/4 dhe 334/1, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet.
1.2 Deklarimin fajtor të të pandehurit Ramazan Rraja, për kryerjen e veprës penale “Sigurimi i kushteve dhe i mjeteve materiale për të kryer vrasje”, e kryer në bashkëpunim, në formën e grupit të strukturuar kriminal, në dëm të shtetasve/viktimave A.N, A.L (P.M), V.M (M), G.M dhe A.M (M), për episodet e faktit penal pas ngjarjes së datës 01.11.2019, parashikuar nga neni 80, në lidhje me nenet 28/4 dhe 334/1 të Kodit Penal, dhe në bazë të këtyre dispozitave dënimin e tij me 7 (shtatë) vite burgim.
1.3 Deklarimin fajtor të të pandehurit Ramazan Rraja, për kryerjen e veprës penale “Grupi i strukturuar kriminal”, parashikuar nga neni 333/a pg 2 i Kodit Penal, dhe në bazë të kësaj dispozite dënimin e tij me 3 (tre) vite burgim.
1.4 Deklarimin fajtor të të pandehurit Ramazan Rraja, për kryerjen e veprës penale “Shkatërrimi i pronës me eksploziv”, (për faktin penal të ndodhur në datë 30.05.2020), parashikuar nga neni 151 pg 1 të Kodit Penal, dhe në bazë të kësaj dispozite dënimin e tij me 1 (një) vit e 6 (gjashtë) muaj burgim
1.4 Deklarimin fajtor të të pandehurit Ramazan Rraja, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionif”, parashikuar nga neni 278 pg 1 i Kodit Penal, dhe në bazë të kësaj dispozite dënimin e tij me 5 (pesë) vite e 6 muaj, burgim.
1.5 Deklarimin fajtor të të pandehurit Ramazan Rraja, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionif”, (për faktin penal të ndodhur në datë 19.04.2023), parashikuar nga neni 278 pg 1 i Kodit Penal, dhe në bazë të kësaj dispozite dënimin e tij me 5 (pesë) vite burgim.
1.6 Bazuar në nenin 55 të Kodit Penal, në bashkim të dënimeve i pandehuri Ramazan Rraja dënohet me një dënim të vetëm prej 9 (nëntë) vite burgim.
1.7 Në zbatim të nenit 406/1 të Kodit të Procedurës Penale, të pandehurit Ramazan Rraja i ulet 1/3 e dënimit të dhënë, duke u dënuar përfundimisht me 6 (gjashtë) vite burgim.
1.8 Llogaritja e dënimit fillon nga data e arrestimit, dhe dënimi me burgim nga i pandehuri Ramazan Rraja do të vuhet në një burg të sigurisë së lartë, në referim të parashikimeve të nenit 16, pika 1, shkronja a) të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.
Deklarimin fajtor të të pandehurit Genti Nderjaku (alias Kili, alias Ekil), për kryerjen e veprës penale “Sigurimi i kushteve dhe i mjeteve materiale për të kryer vrasje”, e kryer në bashkëpunim, në formën e grupit të strukturuar kriminal, në dëm të shtetasve/viktimave A.N, AL (PM), VM (M), G.M dhe A.M (M), për episodet e faktit penal pas ngjarjes së datës 01.11.2019, parashikuar nga neni 80, në lidhje me nenet 28/4 dhe 334/1 të Kodit Penal, dhe në bazë të këtyre dispozitave dënimin e tij me 7 (shtatë) vite burgim.
2.1 Deklarimin fajtor të të pandehurit Genti Nderjaku (alias Kili, alias Ekil), për kryerjen e veprës penale “Grupi i strukturuar kriminal”, parashikuar nga neni 333/a pg 2 i Kodit Penal, dhe në bazë të kësaj dispozite dënimin e tij me 3 (tre) vite burgim
2.2 Deklarimin fajtor të të pandehurit Genti Nderjaku (alias Kili, alias Ekil), për kryerjen e veprës penale “Sigurimi i kushteve dhe i mjeteve materiale për të kryer vrasje”, e kryer në bashkëpunim, në formën e grupit të strukturuar kriminal, në dëm të shtetasit/viktimës M.P, parashikuar nga neni 80, në lidhje me nenet 28/4 dhe 334/1 të Kodit Penal, dhe në bazë të këtyre dispozitave dënimin e tij me 7 (shtatë) vite burgim.
2.3 Deklarimin fajtor të të pandehurit Genti Nderjaku (alias Kili, alias Ekil), për kryerjen e veprës penale “Grupi i strukturuar kriminal”, parashikuar nga neni 333/a pg 1 i Kodit Penal, dhe në bazë të kësaj dispozite dënimin e tij me 4 (katër) vite burgim.
2.4 Bazuar në nenin 55 të Kodit Penal, në bashkim të dënimeve i pandehuri Genti Nderjaku (alias Kili, alias Ekil) dënohet me një dënim të vetëm prej 8 (tetë) vite burgim.
2.5 Në zbatim të nenit 406/1 të Kodit të Procedurës Penale, të pandehurit Genti Nderjaku (alias Kih, alias Ekil) i ulet 1/3 e dënimit të dhënë, duke u dënuar përfundimisht me 5 (pesë) vite e 4 (katër) muaj burgim.
2.6 Llogaritja e dënimit fillon nga data e arrestimit, dhe dënimi me burgim nga i pandehuri Genti Nderjaku (alias Kili, alias Ekil) do të vuhet në një burg të sigurisë së lartë, në referim të parashikimeve të nenit 16, pika 1, shkronja a) të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.
Deklarimin fajtor të të pandehurit Bashkim Haxhija, për kryerjen e veprës penale “Sigurimi i kushteve dhe i mjeteve materiale për të kryer vrasje”, e kryer në bashkëpunim, në formën e grupit të strukturuar kriminal, në dëm të shtetasve/viktimave A.N, A.L (P.M), V.M (M), G.M dhe AM (M), për episodet e faktit penal pas ngjarjes së datës 01.11.2019, parashikuar nga neni 80, në lidhje me nenet 28/4 dhe 334/1 të Kodit Penal, dhe në bazë të këtyre dispozitave dënimin e tij me 7 (shtatë) vite burgim.
3.1 Deklarimin fajtor të të pandehurit Bashkim Haxhija, për kryerjen e veprës penale “Grupi i strukturuar kriminal”, parashikuar nga neni 333/a pg 2 i Kodit Penal, dhe në bazë të kësaj dispozite dënimin e tij me 3 (tre) vite burgim.
3.2 Bazuar në nenin 55 të Kodit Penal, në bashkim të dënimeve i pandehuri Bashkim Haxhija dënohet me një dënim të vetëm prej 7 (shtatë) vite burgim.
3.3 Në zbatim të nenit 406/1 të Kodit të Procedurës Penale, të pandehurit Bashkim Haxhija, i ulet 1/3 e dënimit të dhënë, duke u dënuar përfundimisht me 4 (katër) vite e 8 (tetë) muaj burgim.
3.4 Llogaritja e dënimit fillon nga data e arrestimit, dhe dënimi me burgim nga i pandehuri Bashkim Haxhija, do të vuhet në një burg të sigurisë së lartë, në referim të parashikimeve të nenit 16, pika 1, shkronja a) të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.
Deklarimin fajtor të të pandehurit Endrit Sinani, akuzuar për kryerjen e veprës penale “Sigurimi i kushteve dhe i mjeteve materiale për të kryer vrasje”, e kryer në bashkëpunim, në formën e grupit të strukturuar kriminal, në dëm të shtetasve/viktimave A.N, A.L (P.M), për episodet e faktit penal para ngjarjes së datës 01.11.2019, parashikuar nga neni 80, në lidhje me nenet 28/4 dhe 334/1 të Kodit Penal, dhe në bazë të këtyre dispozitave dënimin e tij me 7 (shtatë) vite burgim.
4.1 Deklarimin fajtor të të pandehurit Endrit Sinani, për kryerjen e veprës penale “Grupi i strukturuar kriminal”, parashikuar nga neni 333/a pg 2 i Kodit Penal, dhe në bazë të kësaj dispozite dënimin e tij me 3 (tre) vite burgim.
4.2 Bazuar në nenin 55 të Kodit Penal, në bashkim të dënimeve i pandehuri Endrit Sinani dënohet me një dënim të vetëm prej 7 (shtatë) vite burgim.
4.3 Në zbatim të nenit 406/1 të Kodit të Procedurës Penale, të pandehurit Endrit Sinani, i ulet 1/3 e dënimit të dhënë, duke u dënuar përfundimisht me 4 (katër) vite e 8 (tetë) muaj burgim.
4.4 Llogaritja e dënimit fillon nga data e arrestimit, dhe dënimi me burgim nga i pandehuri Endrit Sinani, do të vuhet në një burg të sigurisë së lartë, në referim të parashikimeve të nenit 16, pika 1, shkronja a) të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.
Deklarimin fajtor të të pandehurit Julian Pjetri, për kryerjen e veprës penale “Sigurimi i kushteve dhe i mjeteve materiale për të kryer vrasje”, e kryer në bashkëpunim, në formën e grupit të strukturuar kriminal, në dëm të shtetasve/viktimave A.N, A.L (P.M), V.M (M), G.M dhe A.M (M), për episodet e faktit penal pas ngjarjes së datës 01.11.2019, parashikuar nga neni 80, në lidhje me nenet 28/4 dhe 334/1 të Kodit Penal, dhe në bazë të këtyre dispozitave dënimin e tij me 6 (gjashtë)vite e 6 (gjashtë) muaj burgim
5.1 Deklarimin fajtor të të pandehurit Julian Pjetri, për kryerjen e veprës penale “Grupi i strukturuar kriminal”, parashikuar nga neni 333/a pg 2 i Kodit Penal, dhe në bazë të kësaj dispozite dënimin e tij me 2 (dy) vite burgim.
5.2 Bazuar në nenin 55 të Kodit Penal, në bashkim të dënimeve i pandehuri Julian Pjetri dënohet me një dënim të vetëm prej 6 (gjashtë) vite e 6 (gjashtë) muaj burgim.
5.3 Në zbatim të nenit 406/1 të Kodit të Procedurës Penale, të pandehurit Julian Pjetri, i ulet 1/3 e dënimit të dhënë, duke u dënuar përfundimisht me 4 (katër) vite e 4 (katër) muaj burgim.
5.4 Llogaritja e dënimit fillon nga data e arrestimit, dhe dënimi me burgim nga i pandehuri Julian Pjetri, do të vuhet në një burg të sigurisë së lartë, në referim të parashikimeve të nenit 16, pika 1, shkronja a) të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.
Në bazë të nenit 190, pika 1 të K.Pr.Penale, sendet e sekuestruara. disponohen si me poshtë:
(1) Sendet e sekuestruara të pandehurit Julian Pjetri, dhe konkretisht:
Një armë gjahu shotgan, me mbështetëse të zezë, me mbishkrim ****, e cila ka në trup numër ****, së bashku me lejen për mbajtje arme gjahu me numër **** dhe nr. Rregj. ****, në emër të shtetasit Julian Pjetri, sekuestruar të pandehurit Julian Pjetri, (futur në qesen e provave me numër serial unik ****), lënë në ruajtje në Drejtorinë Vendore të Policisë Tiranë, të konfiskohet.
Një certifikatë pronësie e auto veturës e markës “Land Rover”, me targa ****, t’i kthehet personit që i përket.
Një prokurë e posaçme me numër **** rep dhe nr. **** kol, datë 18.11.2019, lëshuar nga notere A.S, i bashkohet fashikullit të gjykimit.
Kontratë shitje mjeti numër **** rep, nr. **** kol, datë 04.02.2020, lëshuar nga noteri M. Y. M, i bashkohet fashikullit të gjykimit.
Prokurë e Posaçme me numër **** rep, nr. **** kol, datë 05.02.2020, lëshuar nga noteri M. Y. M, i bashkohet fashikullit të gjykimit. Një automjet tip auto veture të markës Mercedes Benz, me ngjyrë të zezë me
targë ****, në pronësi të Julian Pjetri, me numër shasie: **** së bashku me dokumentacionin e tij, t’i kthehet personit që i përket.
ii) Sendet e sekuestruara të pandehurit Ramazan Rraja, dhe konkretisht: ( Një armë pistolete marka Rex Delta, ku në trup ka mbishkrimet ****, numër ****, me një krehër me 8(tetë) fishekë të kalibrit 9 m, sekuestruar të pandehurit Ramazan Rraja, lënë në ruajtje në Drejtorinë e Policisë Vendore të Policisë Tiranë, të konfiskohet. Lekë shqiptare në vlerën **** lekë dhe **** euro, t’i kthehet personit që i përket.
Një automjet tip Mercedes Benz me ngjyrë të zezë, i blinduar me targa **** i cili rezulton i regjistruar ne emër subjektit “Alba Shoes Grup”, lënë në ruajtje në magazinën AAPSK, do të qëndrojë në ruajtje për interesa të procedimit penal të ndarë.
Një certifikatë kontrollit teknik për mjetin me targa **** dhe leja e qarkullimit për automjetin me numër serie. **** në emër të subjektit “Alba Shoes Grup” për mjetin me targa ****, i kthehet prokurorit për interesa të procedimit penal të ndarë.
Aparatet telefonike celulare te sekuestruar të hetuarve, bashkëlidhur në fashikullin e gjykimit, volumi 8, të qëndrojnë në ruajtje për interesa të procedimit penal të ndarë.
Në referim të nenit 266 pika 2, gërma b), dhe 228, paragrafi 3 të Kodit të Procedurës Penale, rivënien ne fuqi të masës së sigurimit “Arrest ne burg” parashikuar nga neni 238 i Kodit të Procedurës Penale, caktuar ndaj të pandehurve Ramazan Rraja, Bashkim Haxhija, Genti Nderjaku, Endrit Sinani, caktuar me vendimin nr. 89 akti, datë 20.11.2022 të Gjykatës së Posaçme të Shkallës së Parë për Korrupsionin dhe Krimin e Organizuar, dhe ndaj të pandehurit Julian Pjetri, caktuar me vendimin nr. 96 akti., datë 20.12.2022, të Gjykatës së Posaçme të Shkallës së Parë për Korrupsionin dhe Krimin e Organizuar.
Ngarkohet Prokuroria e Posaçme Kundër Korrupsionit dhe Krimit të Organizuar për zbatimin e vendimit
Shpenzimet procedurale të bëra gjatë hetimeve paraprake, sipas procesverbalit përkatës, në masën **** lekë, si dhe shpenzimet gjyqësore, sipas procesverbalit përkatës, i ngarkohen të pandehurve të deklaruar fajtorë me këtë vendim, në mënyrë solidare.
Kundër vendimit mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brenda 15 (pesëmbëdhjetë) ditëve, duke filluar ky afat nga e nesërmja e njoftimit të vendimit të arsyetuar. Ndaj pikës 7 të vendimit mund të behet ankim brenda 5 (pesë) ditëve nga e nesërmja e komunikimit të vendimit të arsyetuar në Gjykatën e Posaçme të Apelit për Korrupsionin dhe Krimin e Organizuar.
Tiranë, më datë 19.10.2024
Gjykata e Posaçme e Shkallës së Parë për Korrupsionin dhe Krimin e Organizuar
gjkko
Artikuj te sugjeruar
M.B.
AKTUALITET
19 Tetor09:06
Gjykata e Romës vendosi që të kthehen në Itali, 12 emigrantët lënë ambientet e qendrës në Gjadër dhe mbërrijnë në Shëngjin
LEZHA- 12 emigrantët nga Bangladeshi dhe Egjipi kanë lënë ambientet e kampit të Gjadrit dhe kanë shkuar në qendrë...
M.B.
AKTUALITET
19 Tetor08:24
Gjykata e Romës vendosi për kthimin në Itali të 12 emigrantëve, mbërrin në Shëngjin anija që pritet të kryejë transferimin
LEZHA- Anija italiane e rojes bregdetare që pritet të transferojë 12 emigrantët nga qendra e Gjadrit drejt Italisë ka mbërr...
M.B.
AKTUALITET
19 Tetor07:28
Vranësira dhe reshje shiu në një pjesë të vendit, si parashikohet moti për sot
TIRANA- Dita e shtunë pritet të jetë në ndikim të kushteve atmosferike relativisht të paqëndrueshme. Moti parashikohet...
M.B.
AKTUALITET
18 Tetor20:36
Atentati ndaj ish-prokurorit Arjan Ndoja më 2019/ GJKKO dënon 5 anëtarët e grupit me 25 vite burg, 6 vite heqje lirie për Ramazan Rrajën
TIRANA- Në një seancë maratonë ku janë lexuar edhe konkluzionet e mbrojtjes, Gjykata e Posaçme kundër Korr...
E.D
AKTUALITET
18 Tetor18:23
Kapet me mbi 7 kg kokainë në shtëpi, arrestohet shqiptari në Itali
ITALI- Dy shqiptarë janë arrestuar nga policia italiane, pasi akuzohen për posedim të paligjshëm të lëndës narkotike. ...
E.D
AKTUALITET
18 Tetor18:16
Aksident në bypassin e Murrizit/ Dy mjete përplasen me njëra-tjetrën, dyshohet për katër të plagosur
RRUGA E ARBRIT- Një aksident ka ndodhur në bypassin e Murrizit. Mësohet se nga aksidenti janë plagosur katër persona. ...
M.B.
AKTUALITET
18 Tetor18:14
Gjykata e Romës vendosi për kthimin e tyre drejt Italisë, emigrantët pritet të zhvendosen mëngjesin e së shtunës me traget
ITALIA- 12 emigrantët e vendosur në Gjadër do të transportohen mëngjesin e së shtunës me një traget në Bari ...
E.D
AKTUALITET
18 Tetor17:05
"Maratona e Tiranës 2024"/ Policia njofton rrugët që bllokohen të dielën
TIRANË- Policia e Tiranës ka njoftuar për rrugët që do të bllokohen para, gjatë dhe pas përfundimit të aktiv...
M.B.
AKTUALITET
18 Tetor16:34
Gjykata e Romës vendosi kthimin e tyre në Itali, 12 emigrantët pritet të zhvendosen nga Gjadri drejt portit të Vlorës për transferimin
VLORA- 12 emigrantët që ndodhen momentalisht në tokën shqiptare si rezultat i marrëveshjes me Italinë do të zhvendosen...
