Të paktën tre persona kanë humbur jetën si pasojë e stuhive të fuqishme dhe përmbytjeve që goditën jugun e Franc&...
AKTUALITET
Gjyqi ndaj Plaurent Dervishajt, zbardhet dëshmia e vëllait të një prej të akuzuarve për atentatin ndaj ish-prokurorit: Si u takova me “Rrumin” dhe mesazhi për fëmijët në celular
PiranjatPërditësimi i fundit 19 Shtator 2025, 10:58
Në Gjykatën e Posaçme po zhvillohet gjyqi ndaj Plarent Dervishajt dhe Julian Meçes, të cilët gjykohen të veçuar për atentatin ndaj ish-prokurorit Arjan Ndoja.
Në proces ka dëshmuar, Arben Haxhiaj, vëlla Bashkim Haxhiajt, i pandehur për të njëjtën ngjarje, duke deklaruar se Aleksandër Lahon e kishte takuar në lokalin e tij, por më shumë e njihte nga televizori.
“Arsyeja e takimit, ishte të më paralajmëronte që im vëlla, Bashkimi, të largohej nga ky sherr. Këtyre i kanë bërë atentat. Julit ka ndenjur në allçi. Ka ngrënë 4 plumba.
Vëllai im ishte në burg kur ndodhi kjo. Ndërruam edhe nr telefoni me Lahon (Rrumin e Shijakut). Më ka telefonuar për të njëjtin muhabet. I kam dhënë të njëjtën përgjigje, qëndro larg meje”, mësohet të ketë deklaruar ai. Dëshmitari ka theksuar se për atentatin ndaj Ndojit nuk ka pasur asnjë dijeni.
Dëshmitari thotë gjithashtu se është kërcënuar edhe me fëmijët e tij dhe me vrasjen e të vëllait. “Unë edhe jam kërcënuar me sms. Më kanë thënë: Hiqni dorë, se do ta vrasim vëllain. Do të marrim edhe fëmijët e tu. Nuk e di kush ishte dërguesi. Ky kërcënim ka ardhur disa kohë pas bisedës me Rrumin. Vëllai im është dënuar me 4 vjet e 8 muaj për atentatin ndaj prokurorit”, shton më tej ai.
