Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Atentati në Lundër/ Kthesë në hetime, bie pista e gruas së Roan Brahimit si shënjestër, hetuesit të fokusuar te kamerat e sigurisë
M.BPërditësimi i fundit 21 Prill 2025, 16:40
TIRANA- Të tjera detaje vijojnë të dalin nga hetimet për atentatin në Lundër të Tiranë ku u plagosën 4 të rinj që udhëtonin me një automjet "G Class" teksa raportohet se ka rënë pista që në fillim u raportua se shenjestër dyshohet të ishte gruaja e Sidorel Prendit alias Roan Brahimi, me iniciale A.B.
Bëhet me dije se grupi hetimor është fokusuar te këqyrja e kamerave të sigurisë nga vendi ku ndodhi atentati deri në Lundër ku arriti të shkonte makina ku udhëtonin katër të rinjtë. Sipas hetimeve, atentati dyshohet të ketë ndodhur rreth orës 21:30 minuta dhe pas pak minutash mjeti "G Class" që udhëtonin katër rinjtë mbërrin në Lundër i goditur nga plumbat dhe vetëm pak minuta më pas rreth 4-5 minuta në Lundër kalon edhe një "G Class" tjetër i cili ende nuk është identifikuar nga hetuesit pasi nuk ka pamje të qarta për të shquar targën.
Në atë orar gruaja e Roan Brahimit rezulton të ketë qenë në spitalin e Lezhës ku rreth 1 orë e 30 minuta më parë i kishin ekzekutuar vjehrrin. Ajo është nisur nga Tirana për në Lezhë, në orën 20:15. Në orën 21:15 ajo ka qenë në spitalin e Lezhës. Më pas është kthyer në banesën e saj në Lundër dhe ka mbërritur në orën 23:30. Edhe në dëshminë e saj para hetuesve ajo ka deklaruar se nuk ka lidhje me atentatin në Tiranë dhe se ka qenë në Lezhë pasi e kishin lajmëruar se vjehrrin i saj ishte qëlluar.
