Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Atentati në Shkodër/ Dyshohet se autorët janë vrasës me pagesë nga Mali i Zi! Ja çfarë po hetohet
M.B.Përditësimi i fundit 31 Tetor 2024, 13:22
SHKODRA- Lidhur me atentatin e djeshëm të ndodhur në Shkodër mësohet se grupi hetimor i Policisë së Shkodrës dhe Policisë Kriminale ka dyshime se autorët janë vrasës në moshë të re me pagesë nga Mali i Zi. Mësohet se hetuesit kanë sekuestruar më shumë se 35 gëzhoja në vendngjarje ndërkohë, makina e djegur e autorëve, deri tani nuk ka prodhuar asnjë të dhënë pasi numri i shasisë është dëmtuar nga zjarri, por është dërguar për ekspertim.
Hetuesit janë përqendruar te kamerat e sigurisë, por po haset vështirësi pasi në zonë ose nuk ka kamera, ose edhe ata që janë nuk kanë server për ruajtje pamjesh. Nga ana tjetër bëhet me dije se makina e viktimave rezulton të ketë hyrë në vendin tonë po ashtu nga Mali i Zi në ditët e fundit dhe ka bërë lëvizje në afërsi të zonës së Dobraçit disa herë.
Ngjarja ndodhi pasditen e djeshme në Dobraç të Shkodrës, ku në rrugën kryesore që lidh qytetin me Malësinë e Madhe, të paktën një automjet i ka prerë rrugën një “Mercedes”-i duke qëllua me breshëri kallashnikovi mbi të. Viktimat janë Hamza Lici që vdiq në vendin e ngjarjes, Arlind Bushati i cili nërroi jetë në spital dhe Flutura Basha e cila ishte një kalimtare e rastit në atë rrugë, teksa ndodhej me bashkëshortin e saj në një motor.
Ndërkohë, ky i fundit, identifikuar si Bashkim Basha është plagosuri rëndë. Në makinën e viktimava shofer ka qenë Hamza Lici dhe pasagjer Arlind Bushati. Lici ka humbur kontrollin e makinës duke marrë para dhe motorin në të cilin ndodhej çifti Basha.
