I shpallur në kërkim për drogë, arrestohet 20-vjeçari në Durrës

foto ilustruese

DURRËS- Arrestohet një 20-vjeçar në Durrës. Bëhet me dije se A.M 20 vjeç, ishte shpallur në kërkim në kuadër të megaoperacionit "Tempulli 2".

I riu dyshohet se është implikuar në veprimtaritë kriminale të prodhimit dhe shitjes së lëndëve narkotike.   

Njoftimi i Policisë:

Durrës/Vijon megaoperacioni policor antidrogë i koduar "Tempulli 2".

Lokalizohet, kapet dhe vihet në pranga një 20-vjeçar i shpallur në kërkim për veprën penale “Prodhimi dhe shitja e narkotikëve”.

Si rezultat i veprimeve operacionale të kryera me intensitet nga Policia e Durrësit, në vijim të megaoperacionit “Tempulli 2”, si dhe i hetimeve të ndjekura me metoda proaktive, në bashkëpunim me Prokurorinë e Durrësit, për të nxjerrë përpara përgjegjësisë penale, shtetasit që prodhojnë dhe/ose shesin lëndë narkotike, specialistët e Sektorit për Hetimin e Narkotikëve dhe Trafiqeve të Paligjshme të DVP Durrës, në bashkëpunim me Forcën e Posaçme "Shqiponja", ndaluan shtetasin A. M., 20 vjeç, banues në Durrës.

Ky shtetas ishte shpallur në kërkim, në kuadër të megaoperacionit "Tempulli 2", pasi nga hetimet dyshohet se është implikuar në veprimtaritë kriminale të prodhimit dhe shitjes së lëndëve narkotike.   

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme. 

durres kanabis