I shpallur në kërkim prej vitesh për disa vepra penale, dalin pamjet nga momenti i arrestimit të Spartak Çelës në banesën e tij (VIDEO)

Arrestim

POGRADEC- Policia ka arrestuar sot në Pogradec Spartak Çela. I arrestuari ishte në kërkim prej 4 vitesh. Ndërkohë policia ka ndarë pamje nga momenti i arrestimit të Çelës. Ai gjithashtu kërkohej nga policia pasi në një lokal në Velçan të Mokrës qëlloi me kallashnikov drejt disa personave.

Sakaq Çela muaj më parë kërcënoi punonjësit e taskforcës së ndihmës ekonomike. 39-vjeçari ka qenë në kërkim nga policia ndërkohë arrestimi tij është kryer në fshatin Velçan të Pogradecit, pasi nga burime operative është informuar që i shpalluri në kërkim u kthye në banesën e tij.

Spartak Çela, më datë 21 gusht të 2020 shkoi i dehur në një lokal ku nodheshin 5 persona, hapi derën dhe qëlloi me automatik duke lënë të plagosur Bledi Shahinin. Shkak dyshohet se ka qenë një sherr mes të plagosurit dhe autorit, që ka nisur gjatë pijes dhe më pas Çela shkoi në shtëpi ku mori automatikun. 

Ndaj Çelës, i cili ishte në kërkim kombëtar, Gjykata e Shkallës së Parë Korçë ka caktuar dy herë masën e sigurisë në mungesë “Arrest në burg,” për veprat penale “Vrasja me dashje e mbetur në tentativë,” “Vjedhje me armë,” “Prodhim, shitje dhe mbajtje pa leje e armëve, armëve shpërthyese dhe municioneve luftarake,” dhe “Kundërshtim i punonjësit të policisë.”

spartak Çela arrestim pogradec