Ergys Agasi i është drejtuar Gjykatës së Posaçme kundër Korrupsionit dhe Krimit të Organizuar (GJKKO), duke kërkuar ...
AKTUALITET
I vodhi një turisteje gjermane 3 biçikleta, arrestohet 41-vjeçari
PiranjatPërditësimi i fundit 8 Tetor 2025, 16:16
Një 41-vjeçar nga Orikumi është arrestuar nga Policia, pasi dyshohet se ka vjedhur tre biçikleta në pronësi të një turisteje gjermane, të cilat ishin të parkuara në një zonë plazhi.
Bëhet me dije, se falë veprimeve të shpejta hetimore të kryera nga specialistët për Hetimin e Krimeve në Stacionin e Policisë Orikum, u bë i mundur identifikimi dhe ndalimi i autorit të dyshuar. 41-vjeçari, banues në Orikum, ndodhet tashmë në pranga dhe ndaj tij do të vijojnë procedurat ligjore për veprën penale të vjedhjes.
Njoftimi i policisë:
Orikum
Zbardhet dhe dokumentohet vjedhja e 3 biçikletave të një turisteje gjermane, identifikohet dhe arrestohet autori i dyshuar.
Falë veprimeve të shpejta hetimore të kryera nga specialistët për Hetimin e Krimeve në Stacionin e Policisë Orikum, u bë e mundur identifikimi dhe arrestimi i autorit të dyshuar të vjedhjes së tre biçikletave në Orikum, shtetasit:
* G. B., 41 vjeç, banues në Orikum, Vlorë.
Nga veprimet hetimore ka rezultuar se ky shtetas, më datë 07.10.2025, ka vjedhur 3 biçikleta të markës “Bergamont”, në pronësi të një shtetaseje gjermane, të cilat ishin të parkuara në zonën e plazhit të Orikumit.
Në cilësinë e provës materiale u sekuestruan 3 biçikletat e vjedhura.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprën penale “Vjedhja”.
