Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Impiant për ujërat e ndotura në Dhërmi, shpallet fituesi për studim-projektimin
M.B.Përditësimi i fundit 16 Korrik 2024, 15:33
Foto ilustruese
VLORA- Zona turistike e Dhërmiut parashikohet të ketë një impiant të veçantë për trajtimin e ujërave të ndotura por procesi është ende në fazën fillestare. Agjencia Kombëtare e Ujësjellës-Kanalizimeve njoftoi se tashmë ka shpallur fituesin, kompania E.B.S për “Studim Projektim Impiant i Trajtimit të Ujërave të Ndotura dhe sistemi KUZ, Dhërmi”.
Kompania duhet që brenda 6 muajsh të dorëzojë këtë studim për t’i hapur më pas rrugë procedurave të tjera. Referuar shpjegimeve të dhëna në dokumentacion nënvizohet se aktualisht kjo zonë thuajse nuk ka rrjet ekzistues të kanalizimeve dhe ato pak linja që janë nuk janë ndërtuar sipas një koncepti të mirëfilltë teknik të shoqëruar me dimensioni të tubacioneve sipas perspektivës së zhvillimit të zonës.
“Për këtë zonë më shumë potencial turistik del e domosdoshme ndërhyrja emergjente për ndërtimin e infrastrukturës së kanalizimeve me qëllim përmirësimin e cilësisë së jetesës së banorëve dhe turistëve që e frekuentojnë kryesisht në sezonin veror”, thuhet në dokument.
Sipas AKUK impianti i trajtimit të ujërave të ndotura është menduar të pozicionohet afër përroit ekzistues të fshatit Dhërmi por për këtë duhet të thellohet studimi dhe të mos kufizohet në një propozim të vendndodhjes së tij por të parashikohen disa propozime ku të përmbushen dhe plotësohen të gjitha normat, kushtet teknike dhe mjedisore sipas Direktivave Europiane në fuqi.
Zona e studimit do të jenë zona e fshatit të vjetër Dhërmi si dhe zona turistike pjesa lindore e tij. Ky studim synon, zgjerim të sistemit të kanalizimeve aktual, zgjerimin e zonën e shërbimit dhe për të rehabilituar sistemet ekzistuese, në zgjerimin e sistemit të largimit dhe trajtimit të ujërave të ndotura, për të rritur vazhdimësinë e shërbimit sipas zonave.
Rezultatet e pritshme nga ky proces janë së mbulimi i plotë me rrjet kanalizimesh për të gjithë zonën e studimit duke plotësuar nevojat higjienike dhe mjedisore të zonës së studimit dhe lokaliteteve me rëndësi turistike. Së dyti rikonstruksioni dhe ndërtim i rrjetit të kanalizimeve në gjendje të amortizuar, kolektorët kryesorë përfshirë pusetat në të gjithë zonën e studimit.
Së treti treguesit për matjen e suksesit të programit është lidhja 100% e popullatës që jeton në zonën e shërbimit (Rezultati i drejtpërdrejtë) dhe standardet e vazhdueshme (24h/d) indirekt/afatgjatë. Së katërti masat përfshijnë rehabilitimin/ndërtimin e rrjetit të kanalizimeve dhe ndërtimin e Impiantit të Trajtimit të Ujërave të Ndotura./ Monitor
