Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Imzot Arjan Doda mesazh urimi në vigjilje të Krishtlindjeve: Fëmijët kanë nevojë për familje e edukatorë, të rikuperojmë dialogun duke kapërcyer pengesat e indiferencës dhe paragjykimit
M.B.Përditësimi i fundit 24 Dhjetor 2024, 14:48
TIRANA- Imzot Arjan Dodaj dha sot një mesazh për të gjithë besimtarët katolikë në vigjilje të festës së Krishtlindjeve. Në mesazhin e tij, Imzot Arjan Dodaj e cilësoi Tokën si një dhuratë të shenjtë për njerëzimin, duke theksuar rëndësinë e dashurisë dhe mbrojtjes së saj. Ai u bëri thirrje të gjithëve që të promovojnë dashurinë dhe të angazhohen për ruajtjen e natyrës, një mesazh i veçantë për të nxitur përkujdesje ndaj mjedisit në këtë periudhë reflektimi.
Gjithashtu ai tha se duhet të rikuperojmë dialogun duke kapërcyer pengesat e indiferencës dhe paragjykimit, veçanërisht politikanët mund të mësojnë të politikë më të shëndetshme për të ndihmuar popullatën për të dezintoksikohet nga politika e dhunës dhe vulgaritetit.
“Në këtë Krishtlindje na viziton duke u bërë fëmijë. Zoti na viziton në çdo fëmijë që vjen në jetë. Asnjë fëmijë nuk është gabim apo rastësi, por dhuratë. Sa nevojë ka vendi ynë sot për fëmijë, e sa nevojë kanë fëmijët tanë për familje, edukatorë, politika pro jetës e familjes, përndryshe jemi të destinuar drejt shuarjes me shifrat alarmuese të zbrasjes demografike. Sa nevojë kemi për të rikuperuar një ndërgjegjësim të ri të dashurisë për atë që zoti ka krijuar.
Të lejojmë të edukohemi dhe të edukojmë fëmijët tanë se Toka është një dhuratë e shenjtë për të gjithë, e cila ka nevojë pas 30 vjet zaptimi e konsumimi. Të promovojë natyrën mahnitëse që na ka dhuruar Zoti dhe na kanë dhënë të parët tanë që nga kohët e lashta, kështu edhe ne t’ia dhurojmë fëmijëve tanë. Çfarë toke, deti, qielli dhe ajri. Me vete nuk do të marrim asgjë përveç veprave të dashurisë dhe bamirësisë, parfumin etë cilaver na e ka lënë një shqiptare e madhe, e shenjta Tereza.
Të rikuperojmë dialogun duke kapërcyer pengesat e indiferencës dhe paragjykimit, veçanërisht politikanët mund të mësojnë të politikë më të shëndetshme për të ndihmuar popullatën për të dezintoksikohet nga politika e dhunës dhe vulgaritetit. Të dashur vëllezër e motra po hapet një vit plot shpresë, 2025 vjet nga ardhja e Krishtit. Zoti fëmijë është drita e vërtetë e zemrës së njerëzimit. Jezusi me zemrën e tij njerëzore dhe hyjnore, e bën zemrën më të hapur, zemrën si i themi ne, të bardhë. Gëzuar për shumë mot të gjithë shqiptarëve Krishtlindjen”, u shpreh ai.
