Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
U shfaq në video teksa po merrte ndihma, media amerikane: Pamjet virale rilidhin këngëtaren, Parashqevi Simaku me komunitetin e saj shqiptar!
n.fPërditësimi i fundit 24 Dhjetor 2024, 11:43
Simaku
SHBA- Një video e publikuar nga mediat amerikane solli që shqiptarët kudo nëpër botë të shqetësohen për fatin e këngatërës së njohur shqiptare, Parashqevi Simaku. Shqiptarët kërkuan informacione të shumta për të zbuluar nëse zonja që shfaqej në një video të "News Witness News" ishte Simaku apo jo dhe për ta ndihmuar atë. Ndërkoë media amerikane "abc7.ny" ka shkruar një arrtikull në lidhje me ndihmën që i është dhënë këngëtares.
Një akt i thjeshtë dashamirësie që ndodhi në News Witness News është bërë tani një histori e madhe ndërkombëtare, shkruan abc7.ny. Më 10 dhjetor, ekipi i 7 On Your Side po ndiqte një bamirësi lokale duke u shpërndarë çanta shpine njerëzve të pastrehë. Gazetarja Nina Pineda ndaloi për të folur me një grua në Penn Station të Nju Jorkut pasi ajo mori një nga dhuratat. Gruaja u gëzua pa masë me frymën e festës së një dhurate kaq të thjeshtë, një çantë shpine me furnizime dhe një shënim të shkruar me dorë për fëmijë me fjalë inkurajuese.
Ajo që ndodhi më pas po quhet një mrekulli, vijon shkrimin media amerikane. Ajo grua me të cilën foli Nina tha se ishte këngëtare. Rezulton se ajo është aq e famshme, sa njerëzit në vendin e saj e njohën menjëherë. Ajo quhet Parashqevi Simaku. Simaku është një këngëtare dhe aktore nga Shqipëria, dhe është një nga thesaret e tyre kombëtare.
“Ajo ishte si Madona e Shqipërisë”, tha fansi Bale Erbeli.
Erbeli ishte duke gatuar kur pa klipin dhe menjëherë njohu Simakun, i cili kishte qëndruar me familjen e saj në Nju Xhersi në vitin 1986 kur ajo niste karrierën e saj. Si rezultat, komuniteti shqiptaro-amerikan u bashkua shpejt, duke postuar dhe shpërndarë klipin në të gjithë rrjetet sociale. Madje ka arritur tek një prej influencuesve më të mëdhenj të tyre, Elton Ilirjani.
Elton Ilirjani është model dhe CEO. Me të parë gjendjen e një ikone kombëtare, së bashku me të tjerët e gjetën Simakun në Penn Station brenda dy ditësh.
“Kam pesë vjet që e kërkoja”, tha Ilirjani. "Vrapova drejt saj dhe e përqafova. Ajo më tha rri larg, jam i qelbur. Fjeta jashtë," shtoi ai.
Ilirjani i ofroi t'i blinte Simakut një dhomë për të fjetur, gjë që ajo pranoi.
"Ajo bëri një dush të gjatë. Mbretëresha ishte kthyer. Ajo bëri flokët dhe grimin", tha Ilirjani. "Ajo ishte e bukur. Dhe ne shkuam në një restorant në Hudson Yards, ku ajo këndoi në anglisht dhe frëngjisht." Parashqevi tha për Eyewitness News se askush nuk shkon nga rrugët drejt yjeve, por se ajo po bëhet më e mirë dhe komuniteti i saj vazhdon ta mbështesë.
